ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਮੁਖਲਿਸਗੜ੍ਹ ਵਿਖੇ ਵਿਸ਼ੇਸ਼ ਯਾਦਗਾਰ ਉਸਾਰੀ ਜਾਵੇਗੀ : ਮੱਕੜ

ਫ਼ਤਹਿਗੜ੍ਹ ਸਾਹਿਬ, 14 ਮਈ :- ਬਾਬਾ ਬੰਦਾ ਸਿੰਘ ਬਹਾਦਰ ਵੱਲੋਂ ਸਰਹਿੰਦ ਫ਼ਤਹਿ ਦਿਵਸ ਸਬੰਧੀ ਮਨਾਏ ਗਏ ਤਿੰਨ ਰੋਜਾ ਸਮਾਗਮਾਂ ਦੀ ਸਫਲਤਾ ਉਪਰੰਤ ਜਥੇਦਾਰ ਅਵਤਾਰ ਸਿੰਘ ਮੱਕੜ ਪ੍ਰਧਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਸਿੱਖ ਇਤਿਹਾਸ ਦਾ ਉਹ ਸੂਰਬੀਰ ਯੋਧਾ ਹੈ, ਜਿਸ ਦੀ ਅਗਵਾਈ ਵਿੱਚ ਖ਼ਾਲਸਾ ਪੰਥ ਨੇ ਪੰਜਾਬ ਵਿੱਚ ਸਿੱਖ ਰਾਜ ਕਾਇਮ ਕਰਕੇ ਨਵਾਂ ਇਤਿਹਾਸ ਸਿਰਜਿਆ। ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਤੋਂ ਥਾਪੜਾ ਲੈ ਕੇ ਫ਼ਤਹਿ ਨੂੰ ਪੱਲੇ ਬੰਨ੍ਹ ਜਦ ਉਹ ਨੰਦੇੜ ਤੋਂ ਪੰਜਾਬ ਵੱਲ ਰਵਾਨਾ ਹੋਇਆ ਤਾਂ ਸੋਨੀਪਤ, ਕੈਥਲ, ਸਮਾਣਾ, ਕਪੂਰੀ ਅਤੇ ਸਢੌਰੇ ਨੂੰ ਪੈਰਾਂ ਥੱਲੇ ਲਿਤਾੜ ਕੇ ਮੁਗਲਾਂ ਦੇ ਅਹਿਮ ਕੇਂਦਰ ਸਰਹਿੰਦ ਨੂੰ ਢਹਿ-ਢੇਰੀ ਕਰਕੇ ਉਸ ’ਤੇ ਫ਼ਤਹਿ ਦੇ ਖ਼ਾਲਸਈ ਨਿਸ਼ਾਨ ਝੁਲਾਏ। ਉਨ੍ਹਾਂ ਕਿਹਾ ਕਿ ਬਾਬਾ ਬੰਦਾ ਸਿੰਘ ਦੀ ਯਾਦ ਨਾਲ ਸਬੰਧਿਤ ਹਰੇਕ ਸਮਾਗਮ ਮਨਾਏ ਜਾਂਦੇ ਰਹਿਣਗੇ ਤੇ ਸ਼੍ਰੋਮਣੀ ਕਮੇਟੀ ਵਲੋਂ ਬਾਬਾ ਬੰਦਾ ਸਿੰਘ ਬਹਾਦਰ ਦਾ ਸ਼ਹੀਦੀ ਦਿਹਾੜੇ ਵੀ ਸ਼ਰਧਾ ਪੂਰਵਕ ਤੇ ਵੱਡੇ ਪੱਧਰ ਤੇ ਮਨਾਏਗੀੇ। ਜਥੇ. ਅਵਤਾਰ ਸਿੰਘ ਨੇ ਕਿਹਾ ਕਿ 12 ਮਈ 1710 ਈ. ਨੂੰ ਚੱਪੜਚਿੜੀ ਦੇ ਮੈਦਾਨ ’ਚ ਹੋਏ ਦੋਨਾਂ ਦਲਾਂ ਦੇ ਜ਼ੋਰਦਾਰ ਮੁਕਾਬਲੇ ਵਿਚ ਵਜ਼ੀਦ ਖਾਨ ਮਾਰਿਆ ਗਿਆ। ਵਜ਼ੀਰ ਖਾਨ ਦੇ ਮਰਨ ਨਾਲ ਬਾਕੀ ਮੁਗਲ ਫ਼ੌਜਾਂ ਮੈਦਾਨ ਛੱਡ ਕੇ ਦੌੜ ਗਈਆਂ ਤੇ ਸਰਹਿੰਦ ਫ਼ਤਹਿ ਹੋ ਗਈ। ਉਨ੍ਹਾਂ ਇਤਿਹਾਸਕ ਹਵਾਲਿਆਂ ਦਾ ਜਿਕਰ ਕਰਦਿਆਂ ਕਿਹਾ ਕਿ ਪੰਜਾਬ ਵਾਸੀਆਂ ਵਿੱਚ ਰਾਜ ਕਰਨ ਦਾ ਜਜਬਾ ਪੈਦਾ ਕਰਨ ਲਈ ਬਾਬਾ ਬੰਦਾ ਸਿੰਘ ਬਹਾਦਰ ਨੇ ਪੰਜਾਬ ਵਿੱਚ ਗੁਰੂ ਨਾਨਕ ਤੇ ਗੁਰੂ ਗੋਬਿੰਦ ਸਿੰਘ ਦੇ ਨਾਮ ਦਾ ਸਿੱਕਾ ਜਾਰੀ ਕੀਤਾ। ਜਿਸ ਨਾਲ ਸਿੱਖ ਭਾਰਤ ਦੇ ਨਕਸ਼ੇ ਵਿੱਚ ਪਹਿਲੀ ਵਾਰ ਰਾਜਨੀਤਿਕ ਤਾਕਤ ਵਜੋਂ ਉਭਰ ਕੇ ਸਾਹਮਣੇ ਆਏ। ਉਹਨਾਂ ਕਿਹਾ ਕਿ ‘ਸਰਹਿੰਦ ਫ਼ਤਹਿ ਦਿਵਸ’ ਖ਼ਾਲਸਾ ਪੰਥ ਵਿੱਚ ਜ਼ੁਲਮੀ ਤਾਕਤਾਂ ਖਿਲਾਫ਼ ਸੰਘਰਸ਼ ਕਰਨ ਦੀ ਚੇਤਨਾ ਪੈਦਾ ਕਰਨ ਦਾ ਅਹਿਮ ਅਵਸਰ ਹੈ। ਇਸ ਇਤਿਹਾਸਕ ਅਵਸਰ ’ਤੇ ਸਮਾਜ ਵਿੱਚ ਪਤਿਤਪੁਣਾ, ਨਸ਼ੇ ਅਤੇ ਸਮਾਜਿਕ ਕੁਰੀਤੀਆਂ ਵਿਰੁੱਧ ਫ਼ਤਹਿ ਪ੍ਰਾਪਤ ਕਰਨ ਲਈ ਅਹਿਮ ਯੋਜਨਾਬੰਦੀ ਕਰਨ ਦੀ ਸਮੂਹ ਧਿਰਾਂ ਨੂੰ ਪ੍ਰਬਲ ਲੋੜ ਹੈ। ਜਥੇਦਾਰ ਅਵਤਾਰ ਸਿੰਘ ਨੇ ਕਿਹਾ ਕਿ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਮੁਖਲਿਸਗੜ੍ਹ ਵਿਖੇ ਵਿਸ਼ੇਸ਼ ਯਾਦਗਾਰ ਉਸਾਰੀ ਜਾਵੇਗੀ ਜਿਸ ਲਈ ਸ਼੍ਰੋਮਣੀ ਕਮੇਟੀ ਵੱਲੋਂ ਜਮੀਨ ਖਰੀਦ ਕਰ ਲਈ ਗਈ ਹੈ। ਉਨ੍ਹਾਂ ਕਿਹਾ ਕਿ ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ ਸਾਬਕਾ ਪ੍ਰਧਾਨ ਸ਼੍ਰੋਮਣੀ ਕਮੇਟੀ ਨੇ ਗੁਰਮਤਿ ਸਾਹਿਤ ਤੇ ਵਿਸ਼ੇਸ਼ ਸੇਵਾ ਨਿਭਾਈ ਤੇ ਨਿਭਾ ਰਹੇ ਹਨ, ਡਾ.ਸਰੂਪ ਸਿੰਘ ਅਲੱਗ ਨੇ ਗੁਰੂ ਗ੍ਰੰਥ ਸਾਹਿਬ ਦਾ ਸੰਦੇਸ਼ ਦੇਸ਼ ਵਿਦੇਸ਼ ਵਿੱਚ ਲਿਖਤੀ ਤੌਰ ਤੇ ਪ੍ਰਚਾਰਨ ਦੀ ਵੱਡੀ ਸੇਵਾ ਕੀਤੀ ਹੈ, ਇਸੇ ਤਰ੍ਹਾਂ ਹੀ ਡਾ.ਹਰਚੰਦ ਸਿੰਘ ਸਰਹਿੰਦੀ ਨੇ ਮਨੋ-ਵਿਗਿਆਨਕ ਤੇ ਸਿੱਖ ਇਤਿਹਾਸ ਬਾਰੇ ਅਖਬਾਰਾਂ ਤੇ ਪੁਸਤਕਾਂ ਰਾਹੀਂ ਚੰਗੀ ਸੇਵਾ ਨਿਭਾਈ ਹੈ। ਇਸ ਲਈ ਸ਼੍ਰੋਮਣੀ ਕਮੇਟੀ ਵੱਲੋਂ ਉਹਨਾਂ ਵਿਦਵਾਨਾਂ ਦਾ ਟੋਡਲ ਮੱਲ ਦੀਵਾਨ ਹਾਲ ਵਿਖੇ ਇੱਕ ਵਿਸ਼ੇਸ਼ ਸਮਾਗਮ ਵਿੱਚ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ, ਪ੍ਰੋ. ਪ੍ਰੇਮ ਸਿੰਘ ਚੰਦੂਮਾਜਰਾ, ਬਾਬਾ ਬਲਬੀਰ ਸਿੰਘ ਮੁੱਖੀ ਬੁੱਢਾ ਦਲ ਚਲਦਾ ਵਹੀਰ ਅਤੇ ਕਰਨੈਲ ਸਿੰਘ ਪੰਜੋਲੀ ਆਦਿ ਨੇ ਵੀ ਸੰਬੋਧਨ ਕੀਤਾ। ਇਸੇ ਦੋਰਾਨ ਗੁਰਦੁਆਰਾ ਸ਼੍ਰੀ ਬਿਆਨਗੜ੍ਹ ਸਾਹਿਬ ਛਾਉਣੀ ਬੁੱਢਾ ਦਲ ਵਿਖੇ ਫਤਿਹ ਦਿਵਸ ਨੂੰ ਸਮਰਪ੍ਰਿਤ ਸ਼੍ਰੀ ਆਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਗਏ ਜਿਸ ਵਿਚ ਸਾਰੀਆਂ ਹੀ ਨਿਹੰਗ ਸਿੰਘ ਜਥੇਬੰਦੀਆਂ ਵਲੋਂ ਹਾਜਰੀਆਂ ਲਗਵਾਈਆਂ ਗੲਆਂ। ਇਸ ਮੌਕੇ ਸਰਹਿੰਦ ਫਤਿਹ ਦਿਵਸ ਸਮਾਗਮ ਵਿਚ ਸਿੰਘ ਸਾਹਿਬ ਜਥੇ. ਬਾਬਾ ਬਲਬੀਰ ਸਿੰਘ ਅਕਾਲੀ 96 ਕਰੋੜੀ ਮੁੱਖ ਸ਼੍ਰੋਮਣੀ ਪੰਥ ਅਕਾਲੀ ਬੁੱਢਾ ਦਲ ਪੰਜਵਾਂ ਤਖਤ ਚਲਦਾ ਵਹੀਰ ਚੱਕਰਵਰਤੀ ਨਿਹੰਗ ਸਿੰਘਾਂ ਪੰਜਾਬ ਹਿੰਦੂਤਸਾਨ ਵਿਸ਼ਵ ਦੀ ਅਗਵਾਈ ਵਿਚ ਸਾਰੀਆਂ ਹੀ ਨਿਹੰਗ ਜਥੇਬੰਦੀਆਂ, ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਦੇ ਹੈਡ ਗ੍ਰੰਥੀ ਸਿੰਘ ਸਾਹਿਬ ਗਿਆਨੀ ਜਸਵਿੰਦਰ ਸਿੰਘ, ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਤਰਲੋਚਨ ਸਿੰਘ, ਸਾਬਕਾ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਸਿੰਘ ਸਾਹਿਬ ਭਾਈ ਜਸਵੀਰ ਸਿੰਘ ਖਾਲਸਾ, ਰਵਿੰਦਰ ਸਿੰਘ ਖਾਲਸਾ, ਬੀਬੀ ਕੁਲਦੀਪ ਕੌਰ ਟੌਹੜਾ, ਸਤਵਿੰਦਰ ਸਿੰਘ ਟੌਹੜਾ,ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ, ਰਵਨੀਤ ਸਿੰਘ ਸਰਹਿੰਦੀ, ਕੁਲਵਿੰਦਰ ਸਿੰਘ ਡੇਰਾ, ਰਣਵੀਰ ਸਿੰਘ ਬੀਬੀਪੁਰ, ਚੇਅਰਮੈਨ ਹਰਵਿੰਦਰ ਸਿੰਘ ਹਰਪਾਲਪੁਰ,ਰਣਧੀਰ ਸਿੰਘ ਹੈਰਾਨ, ਜਿਲ੍ਹਾ ਅਕਾਲੀ ਦਲ ਦੇ ਪ੍ਰਧਾਨ ਜਥੇ.ਜਗਦੀਪ ਸਿੰਘ ਚੀਮਾ, ਜਿਲ੍ਹਾ ਸਰਪ੍ਰੱਸਤ ਜਥੇ.ਕੁਲਵੰਤ ਸਿੰਘ ਖਰਾ, ਮੈਨੇ.ਸੁਖਵਿੰਦਰ ਸਿੰਘ ਗਰੇਵਾਲ ਫਤਿਹਗੜ੍ਹ ਸਾਹਿਬ, ਮੈਨੇ. ਜਗੀਰ ਸਿੰਘ ਪਟਿ, ਮੈਨੇ. ਅਮਰਜੀਤ ਸਿੰਘ ਗੁਰ. ਅੰਬ ਸਾਹਿਬ ਮੁਹਾਲੀ, ਸੁਰਜੀਤ ਸਿੰਘ ਗੜੀ ਤੋਂ ਇਲਾਵਾ ਬਾਬਾ ਮਨਮੋਹਨ ਸਿੰਘ ਬਾਰਨ ਵਾਲੇ, ਸੰਤ ਬਲਵੀਰ ਸਿੰਘ ਸੀਚੇਵਾਲ ਵੱਲੋਂ ਸੰਤ ਸੁਰਜੀਤ ਸਿੰਘ, ਸ਼੍ਰੋਮਣੀ ਗੁਰਦੁ. ਪ੍ਰਬੰਧਕ ਕਮੇਟੀ ਦੇ ਸਕੱ. ਸ.ਦਲਮੇਘ ਸਿੰਘ ਖੱਟੜਾ, ਰੂਪ ਸਿੰਘ ਡਾਇਰੈਕਟਰ ਸਿੱਖ ਇਤਿਹਾਸ ਰੀਸਰਚ ਬੋਰਡ, ਐਡੀ.ਸਕੱ.ਸਤਬੀਰ ਸਿੰਘ ਤੇ ਮੀਤ ਸਕੱਤਰ ਦਿਲਜੀਤ ਸਿੰਘ ਬੇਦੀ,ਪਬਲੀਸਿਟੀ ਵਿਭਾਗ ਦੇ ਇੰਚਾ.ਕੁਲਵਿੰਦਰ ਸਿੰਘ ਤੋਂ ਇਲਾਵਾ ਵੱਡੀ ਗਿੱਣਤੀ ’ਚ ਸਿੱਖ ਸੰਗਤਾਂ ਹਾਜ਼ਰ ਸਨ

ਸਾਕਾ ਨੀਲਾ ਤਾਰਾ ਦੇ ਸਿੱਖ ਸ਼ਹੀਦਾਂ ਦੀ ਯਾਦਗਾਰ ਬਣਾਉਣ ਦੀ ਜ਼ਿੰਮੇਵਾਰੀ ਬਾਬਾ ਧੁੰਮਾਂ ਨੂੰ ਸੋਂਪਣ ਦਾ ਮਾਨ ਵਲੋਂ ਵਿਰੋਧ

ਕਿਹਾ, ਟਕਸਾਲ ਇਸ ਵੇਲੇ ਬਾਦਲ ਅਕਾਲੀ ਦਲ, ਭਾਜਪਾ ਤੇ ਆਰ.ਐਸ.ਐਸ ਦਾ ਵਿੰਗ ਬਣ ਕੇ ਰਹਿ ਗਈ ਹੈ

ਅੰਮ੍ਰਿਤਸਰ 14 ਮਈ (ਜਸਬੀਰ ਸਿੰਘ) ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸ੍ਰੀ ਸਿਮਰਨਜੀਤ ਸਿੰਘ ਮਾਨ ਨੇ ਦਮਦਮੀ ਟਕਸਾਲ ਦੇ ਮੁੱਖੀ ਬਾਬਾ ਹਰਨਾਮ ਸਿੰਘ ਧੁੰਮਾਂ ਦੀ ਤੁਲਨਾ ਭਾਜਪਾ ਦੇ ਫਿਰਕਾਪ੍ਰਸਤ ਆਗੂ ਸ੍ਰੀ ਐਲ. ਕੇ. ਅਡਵਾਨੀ ਨਾਲ ਕਰਦਿਆ ਕਿਹਾ ਕਿ ਸਾਕਾ ਨੀਲਾ ਤਾਰਾ ਦੇ ਸਿੱਖ ਸ਼ਹੀਦਾਂ ਦੀ ਯਾਦਗਾਰ ਬਣਾਉੁਣ ਦੀ ਜ਼ਿੰਮੇਵਾਰੀ ਬਾਬਾ ਧੁੰਮਾਂ ਨੂੰ ਸੋਂਪਣ ਦੀ ਬਜਾਏ ਕਿਸੇ ਅਜਿਹੇ ਪੰਥ ਪ੍ਰਸਤ ਵਿਅਕਤੀ ਨੂੰ ਸੋਂਪੀ ਜਾਵੇ ਜਿਹੜਾ ਯਾਦਗਾਰ ਦੀ ਉਸਾਰੀ ਪਾਰਦਰਸ਼ਤਾ ਤੇ ਇਮਾਨਦਾਰੀ ਨਾਲ ਕਰਨ ਦੇ ਸਮੱਰਥ ਹੋਵੇ।

ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਸ੍ਰੀ ਮਾਨ ਨੇ ਕਿਹਾ ਕਿ ਯਾਦਗਾਰ ਦਾ ਮਸਲਾ ਕਿਸੇ ਇੱਕ ਵਿਅਕਤੀ ਜਾਂ ਇੱਕ ਪੰਥਕ ਪਾਰਟੀ ਦਾ ਨਹੀ ਸਗੋਂ ਇਹ ਮਸਲਾ ਸੁਮੱਚੀ ਸਿੱਖ ਕੌਮ ਦਾ ਮਸਲਾ ਹੈ। ਉਹਨਾਂ ਕਿਹਾ ਕਿ ਬਾਬਾ ਧੁੰਮਾਂ ਨਾ ਤਾਂ ਦਮਦਮੀ ਟਕਸਾਲ ਦਾ ਮੁੱਖੀ ਰਿਹਾ ਹੈ ਅਤੇ ਨਾ ਹੀ ਉਸ ਨੇ ਆਪਣੀ ਟਕਸਾਲ ਵਿੱਚ ਪੰਥਕ ਰੂਹ ਰਹਿਣ ਦਿੱਤੀ ਹੈ ਸਗੋਂ ਟਕਸਾਲ ਇਸ ਵੇਲੇ ਬਾਦਲ ਅਕਾਲੀ ਦਲ, ਭਾਜਪਾ ਤੇ ਆਰ.ਐਸ.ਐਸ ਦਾ ਵਿੰਗ ਬਣ ਕੇ ਰਹਿ ਗਈ ਹੈ। ਉਹਨਾਂ ਕਿਹਾ ਕਿ ਅਜਿਹੀ ਹਾਲਤ ਵਿੱਚ ਜੇਕਰ ਬਾਬੇ ਧੁੰਮੇ ਨੂੰ ਯਾਦਗਾਰ ਦੀ ਉਸਾਰੀ ਦੀ ਜਿੰਮੇਵਾਰੀ ਸੋਂਪੀ ਜਾਂਦੀ ਹੈ ਤਾਂ ਫਿਰ ਬਾਬਾ ਧੁੰਮਾਂ ਤੇ ਉਹ ਹੀ ਕੁਝ ਕਰੇਗਾ ਜੋ ਉਸ ਨੂੰ ਅਡਵਾਨੀ ਤੇ ਮੋਦੀ ਕਹਿਣਗੇ। ਉਹਨਾਂ ਕਿਹਾ ਕਿ ਜਿਸ ਤਰਾ ਸਿੱਖ ਸੰਗਤਾਂ ਨੇ ਜੂਨ 1984 ਵਿੱਚ ਸਾਕਾ ਨੀਲਾ ਤਾਰਾ ਤੋਂ ਬਾਅਦ ਬਾਬਾ ਸੰਤਾ ਸਿੰਘ ਵੱਲੋਂ ਉਸਾਰੇ ਗਏ ਸ੍ਰੀ ਅਕਾਲ ਤਖਤ ਨੂੰ ਪ੍ਰਵਾਨ ਨਹੀ ਕੀਤਾ ਸੀ ਠੀਕ ਉਸੇ ਤਰਾ ਹੀ ਬਾਬਾ ਧੁੰਮੇ ਵੱਲੋਂ ਉਸਾਰੀ ਗਈ ਯਾਦਗਾਰ ਨੂੰ ਵੀ ਸਿੱਖ ਪੰਥ ਪ੍ਰਵਾਨ ਨਹੀ ਕਰੇਗਾ। ਉਹਨਾਂ ਬਾਬਾ ਧੁੰਮਾਂ ਤੇ ਗੈਰ ਯਕੀਨੀ ਪ੍ਰਗਟ ਕਰਦਿਆ ਕਿਹਾ ਕਿ ਅਡਵਾਨੀ ਤੇ ਮੋਦੀ ਦੇ ਕਹਿਣ ਤੇ ਬਾਬਾ ਧੁੰਮਾਂ ਇਸ ਯਾਦਗਾਰ ਬਣਾਉਣ ਸਮੇਂ ਉਸ ਨੂੰ ਪੰਥਕ ਦਿਸ਼ਾਂ ਦੇਣ ਦੀ ਬਜਾਏ ਹਿੰਦੂਤਵ ਦੀ ਦਿਸ਼ਾਂ ਵੀ ਦੇ ਸਕਦਾ ਹੈ ਜਿਸ ਨਾਲ ਸੌ ਸਾਲ ਬਾਅਦ ਸਿੱਖਾਂ ਤੇ ਹਿੰਦੂਆ ਦੇ ਬੇਲੋੜੇ ਰੱਫੜ ਪੈ ਸਕਦੇ ਹਨ।

ਸਾਕਾ ਨੀਲਾ ਤਾਰਾ ਲਈ ਬਾਦਲਕਿਆ ਨੂੰ ਦੋਸ਼ੀ ਠਹਿਰਾਉਦਿਆ ਸ੍ਰੀ ਮਾਨ ਨੇ ਕਿਹਾ ਕਿ ਬਾਦਲਕਿਆ ਨੇ ਹੀ ਕੇਂਦਰ ਵਿੱਚ ਇੰਦਰਾ ਗਾਂਧੀ ਦੇ ਪੀ.ਏ. ਧਵਨ ਨੂੰ ਪੱਤਰ ਲਿਖ ਕੇ ਸ੍ਰੀ ਦਰਬਾਰ ਸਾਹਿਬ ਤੇ ਹਮਲਾ ਕਰਨ ਲਈ ਜ਼ੋਰ ਪਾਇਆ ਸੀ ਕਿ ਸੰਤ ਭਿੰਡਰਾਂ ਵਾਲਾ ਸਾਡੇ ਕਾਬੂ ਵਿੱਚ ਨਹੀ ਹੈ ਇਸ ਲਈ ਬਿਨਾਂ ਕਿਸੇ ਦੇਰੀ ਤੋਂ ਹਮਲਾ ਕਰ ਦਿੱਤਾ ਜਾਵੇ ਜਿਸਦੇ ਤੱਥ ਮੌਜੂਦ ਹਨ ਅਤੇ ਇਸ ਬਾਰੇ ਸ੍ਰੀ ਧਵਨ ਨੇ ਆਪਣੀ ਕਿਤਾਬ ਵਿੱਚ ਵੀ ਸਪੱਸ਼ਟ ਕੀਤਾ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਆਪਣੇ ਆਕਾ ਸ੍ਰੀ ਐਲ ਕੇ ਅਡਵਾਨੀ ਦੁਆਰਾ ਸਾਕਾ ਨੀਲਾ ਤਾਰਾ ਦੀ ਜਿੰਮੇਵਾਰੀ ਆਪਣੇ ਸਿਰ ਲੈਦਿਆ ਜਦੋਂ ਆਪਣੀ ਕਿਤਾਬ ਮਾਈ ਕੰਟਰੀ ਮਾਈ ਲਾਈਫ ਵਿੱਚ ਲਿਖਿਆ ਕਿ ਸਾਕਾ ਨੀਲਾ ਤਾਰਾ ਕਰਨ ਲਈ ਤੱਤਕਾਲੀ ਪਰਧਾਨ ਮੰਤਰੀ ਸ੍ਰੀਮਤੀ ਇੰਦਰਾ ਗਾਂਧੀ ਹਮਲਾ ਕਰਨ ਲਈ ਤਿਆਰ ਨਹੀ ਸੀ ਪਰ ਉਹਨਾਂ ਨੇ ਹੀ ਦਬਾ ਪਾ ਕੇ ਕਰਵਾਇਆ ਸੀ, ਜਿਸ ਦੇ ਸੰਦਰਭ ਵਿੱਚ ਸ੍ਰੀ ਬਾਦਲ ਨੇ ਆਪਣੀ ਜ਼ਬਾਨ ਅੱਜ ਤੱਕ ਨਹੀ ਖੋਹਲੀ। ਉਹਨਾਂ ਕਿਹਾ ਕਿ ਅਜਿਹੇ ਪੰਥੀ ਦੋਖੀਆ ਵੱਲੋਂ ਬਣਾਈ ਗਈ ਸ਼ਹੀਦਾਂ ਦੀ ਯਾਦਗਾਰ ਸਿੱਖ ਪੰਥ ਨੂੰ ਕਿਵੇਂ ਪ੍ਰਵਾਨ ਹੋ ਸਕਦੀ ਹੈ?

ਅਨੰਦ ਮੈਰਿਜ ਐਕਟ ਦੀ ਗੱਲ ਕਰਦਿਆ ਉਹਨਾਂ ਕਿਹਾ ਕਿ ਅਨੰਦ ਮੈਰਿਜ ਐਕਟ ਵਿੱਚ ਤਲਾਕ ਦੀ ਵੀ ਵਿਵਸਥਾ ਹੋਣੀ ਚਾਹੀਦੀ ਹੈ ਕਿਉਕਿ ਸਿੱਖਾਂ ਵਿੱਚ ਵੀ ਤਲਾਕ ਹੁੰਦੇ ਹਨ। ਉਹਨਾਂ ਕਿਹਾ ਕਿ ਆਪਣੇ ਆਪ ਨੂੰ ਪੰਥਕ ਐਡਵੋਕੇਟ ਅਖਵਾਉਣ ਵਾਲੇ ਸ੍ਰੀ ਹਰਵਿੰਦਰ ਸਿੰਘ ਫੂਲਕਾ ਨੇ ਤਾਂ ਕਹਿ ਦਿੱਤਾ ਹੈ ਕਿ ਤਲਾਕ ਲੈਣ ਲਈ ਫਿਰ ਸਿੱਖਾਂ ਨੂੰ ਹਿੰਦੂ ਮੈਰਿਜ ਐਕਟ ਦਾ ਓਟ ਆਸਰਾ ਲੈਣਾ ਪਵੇਗਾ। ਉਹਨਾਂ ਕਿਹਾ ਕਿ ਅਧੂਰਾ ਅਨੰਦ ਮੈਰਿਜ ਐਕਟ ਵੀ ਸਿੱਖਾਂ ਨੂੰ ਪ੍ਰਵਾਨ ਨਹੀ ਹੈ। ਉਹਨਾਂ ਕਿਹਾ ਕਿ ਸ੍ਰੀ ਅਕਾਲ ਤਖਤ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੂੰ ਵੀ ਗੈਰ ਜਿੰਮੇਵਾਰਨਾ ਬਿਆਨ ਨਹੀ ਦੇਣੇ ਚਾਹੀਦੇ ਸਗੋਂ ਪੰਥਕ ਬੁੱਧੀਜੀਵੀਆ ਦੀ ਇੱਕ ਟੀਮ ਬਣਾ ਕੇ ਉਹਨਾਂ ਕੋਲੋ ਸੁਝਾ ਲੈ ਕੇ ਰਹਿਤ ਮਰਿਆਦਾ ਵਿੱਚ ਤਬਦੀਲੀ ਕਰਕੇ ਤਲਾਕ ਦੀ ਮੱਦ ਨੂੰ ਵੀ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ।

ਪਾਕਿਸਤਾਨ ਵਿੱਚਲੇ ਅੱਤਵਾਦੀ ਹਾਸ਼ਮ ਸਈਅਦ ਨੂੰ ਮਨੁੱਖਤਾ ਦਾ ਕਾਤਲ ਦੱਸਦਿਆ ਉਹਨਾਂ ਕਿਹਾ ਕਿ ਜਿਹੜੇ ਵਿਅਕਤੀ ਦੀ ਗ੍ਰਿਫਤਾਰੀ ਲਈ ਲੱਖਾਂ ਡਾਲਰਾਂ ਦਾ ਇਨਾਮ ਅਮਰੀਕਾ ਦੀ ਸਰਕਾਰ ਨੇ ਰੱਖਿਆ ਹੋਵੇ ਅਤੇ ਉਸ ਨੂੰ ਪਾਕਿਸਤਾਨ ਵੱਲੋਂ ਖੁੱਲੇਆਮ ਘੁੰਮਣ ਦੀ ਇਜ਼ਾਜਤ ਦੇਣੀ ਸਾਬਤ ਕਰਦਾ ਕਿ ਪਕਿਸਾਤਨ ਅਜਿਹੇ ਖੂੰਖਾਰਾਂ ਦੀ ਵੀ ਪੁਸ਼ਤ ਪਨਾਹੀ ਕਰਦਾ ਹੈ। ਉਹਨਾਂ ਕਿਹਾ ਕਿ ਪਾਕਿਸਤਾਨ ਦੇ ਰਾਸ਼ਟਰਪਤੀ ਜ਼ਰਦਾਰੀ ਦੇ ਭਾਰਤ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਡਾਂ ਮਨਮੋਹਨ ਸਿੰਘ ਨੇ ਉਹਨਾਂ ਨੂੰ ਆਪਣੇ ਘਰ ਖਾਣੇ ਤੇ ਸਪੈਸ਼ਲ ਦਾਅਦਤ ਦਿੱਤੀ ਸੀ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਖਦਸ਼ਾ ਹੈ ਕਿ ਜਦੋਂ ਡਾਂ ਮਨਮੋਹਨ ਸਿੰਘ ਪਾਕਿਸਤਾਨ ਜਾਣਗੇ ਤਾਂ ਜ਼ਰਦਾਰੀ ਉਹਨਾਂ ਦੀ ਮੁਲਾਕਾਤ ਹਾਸ਼ਮ ਸਈਅਦ ਨਾਲ ਜਰੂਰ ਕਰਵਾਏਗਾ ਜਿਸ ਤੋਂ ਡਾਂ ਸਾਹਿਬ ਨੂੰ ਸੁਚੇਤ ਰਹਿਣ ਦੀ ਲੋੜ ਹੈ।

ਫਰਾਂਸ ਕੋਲੋ 126 ਜਹਾਜ ਖਰੀਦਣ ਤੇ ਟਿੱਪਣੀ ਕਰਦਿਆ ਸ੍ਰੀ ਮਾਨ ਨੇ ਕਿਹਾ ਕਿ ਭਾਰਤ ਨੂੰ ਫਰਾਂਸ ਕੋਲੋ ਹਵਾਈ ਜਹਾਜ ਖਰੀਦਣ ਦੀ ਬਜਾਏ ਉਸ ਨਾਲੋ ਆਪਣੇ ਸਾਰੇ ਸਬੰਧ ਤੋੜ ਲੈਣੇ ਚਾਹੀਦੇ ਹਨ। ਉਹਨਾਂ ਕਿਹਾ ਕਿ ਫਰਾਂਸ ਇੱਕ ਫਿਰਕਾਪ੍ਰਸਤ ਦੇਸ਼ ਹੈ ਜਿਥੇ ਮੁਸਲਮਾਨਾਂ, ਹਿੰਦੂਆ, ਸਿੱਖਾਂ ਅਤੇ ਯਹੂਦੀਆ ਦੀ ਧਾਰਮਿਕ ਅਜ਼ਾਦੀ ਤੇ ਕਈ ਪ੍ਰਕਾਰ ਦੀਆ ਪਾਬੰਦੀਆ ਲਾਈਆ ਹਨ। ਉਹਨਾਂ ਕਿਹਾ ਕਿ ਅਜਿਹੇ ਫਿਰਕਾਪ੍ਰਸਤ ਦੇਸ ਅਫਰੀਕਾ ਨੇ ਜਦੋਂ ਅਜਿਹੀ ਇੱਕ ਗਲਤੀ ਕੀਤੀ ਸੀ ਤਾਂ ਭਾਰਤ ਨੇ ਧਰਮ ਨਿਰਪੱਖ ਹੋਣ ਦਾ ਸਬੂਤ ਦਿੰਦਿਆ ਉਸ ਨਾਲੋਂ ਆਪਣੇ ਸਾਰੇ ਸਬੰਧ ਤੋੜ ਲਏ ਸਨ। ਇਸ ਸਮੇਂ ਉਹਨਾਂ ਦੇ ਨਾਲ ਪਾਰਟੀ ਦੇ ਦਫਤਰ ਸਕੱਤਰ ਹਰਬੀਰ ਸਿੰਘ ਸੰਧੂ ਅਤੇ ਅਮਰੀਕ ਸਿੰਘ ਨੰਗਲ ਵੰਝਾ ਵਾਲਾ ਵੀ ਹਾਜ਼ਰ ਸਨ

• ਨ

 ਗੁਰਭੇਜ ਸਿੰਘ ਚੌਹਾਨ 

 ਸੰਪਾਦਕ ਰਾਜਨੀਤਕ ਮਾਮਲੇ

98143 06545 

ਵਿਧਾਨ ਸਭਾ ਚੋਣਾਂ ਹੋਣ ਤੋਂ ਤੁਰੰਤ ਬਾਅਦ ਮਨਪ੍ਰੀਤ ਸਿੰਘ ਬਾਦਲ ਨੇ ਚੈਨਲਾਂ ਅਤੇ ਅਖਬਾਰਾਂ ਵਿਚ ਬਿਆਨ ਦਿੱਤਾ ਸੀ ਕਿ ਮੈਨੂੰ ਲੰਬੀ ਹਲਕੇ ਤੋਂ ਆਪਣੇ ਤਾਇਆ ਜੀ ਬਾਦਲ ਸਾਹਿਬ ਦੀ ਹਾਰ ਦਾ ਸਭ ਤੋਂ ਵੱਡਾ ਦੁੱਖ ਹੋਵੇਗਾ। ਪਰ ਇਸਦੇ ਨਾਲ ਹੀ ਮਨਪ੍ਰੀਤ ਦੇ ਸਤਿਕਾਰਯੋਗ ਪਿਤਾ ਜੀ ਸ: ਗੁਰਦਾਸ ਸਿੰਘ ਬਾਦਲ ਨੇ ਬਿਆਨ ਦਿੱਤਾ ਕਿ ਲੰਬੀ ਤੋਂ ਸ: ਪ੍ਰਕਾਸ਼ ਸਿੰਘ ਬਾਦਲ ਹੀ ਜਿੱਤਣਗੇ। ਇਸ ਬਿਆਨ ਤੋਂ ਲੋਕਾਂ ਵਿਚ ਘੁਸਰ ਮੁਸਰ ਸ਼ੁਰੂ ਹੋ ਗਈ ਸੀ ਕਿ ਮਾਮਲਾ ਗੜਬੜ ਹੈ। ਹੋਇਆ ਵੀ ਸੱਚ ਕਿ ਜਦੋਂ ਸ: ਬਾਦਲ ਇਕੱਲੇ ਮਹੇਸ਼ਇੰਦਰ ਬਾਦਲ ਨਾਲ ਚੋਣ ਲੜੇ ਸੀ ਤਾਂ ਉਹ 10 ਕੁ ਹਜ਼ਾਰ ਵੋਟ ਤੇ ਜਿੱਤੇ ਅਤੇ ਹੁਣ ਤਿਕੋਣੀ ਟੱਕਰ ਵਿਚ ਉਸਤੋਂ ਕਿਤੇ ਜਿਆਦਾ ਵੋਟਾਂ ਨਾਲ ਜਿੱਤ ਹੋਈ ਅਤੇ ਲੋਕਾਂ ਨੇ ਕਹਿਣਾ ਸ਼ੁਰੂ ਕਰ ਦਿੱਤਾ ਕਿ ਅੰਦਰਖਾਤੇ ਗੁਰਦਾਸ ਸਿੰਘ ਬਾਦਲ ਨੇ ਪਰਕਾਸ਼ ਸਿੰਘ ਬਾਦਲ ਨੂੰ ਵੋਟ ਪਵਾਈ ਹੈ ਅਤੇ ਇਕ ਰਾਜਨੀਤਕ ਚਾਲ ਤਹਿਤ ਇਨਾਂ ਦੋਹਾਂ ਪਰੀਵਾਰਾਂ ਦਾ ਇਹ ਚੋਣ ਵੱਖ ਵੱਖ ਲੜਨਾ ਕਾਂਗਰਸ ਨੂੰ ਹਰਾਉਣ ਲਈ ਇਕ ਰਣਨੀਤੀ ਸੀ ਤਾਂ ਕਿ ਅਕਾਲੀ ਦਲ ਤੋਂ ਰੁੱਸੇ ਲੋਕ ਕਾਂਗਰਸ ਵੱਲ ਜਾਣ ਦੀ ਬਜਾਏ ਪੀਪਲਜ਼ ਪਾਰਟੀ ਨੂੰ ਵੋਟ ਪਾ ਦੇਣਗੇ। ਇਹ ਰਣਨੀਤੀ ਸਫਲ ਰਹੀ ਅਤੇ ਪੰਜਾਬ ਵਿਚ ਕਾਂਗਰਸ ਦੀ ਹਾਰ ਦਾ ਮੁੱਖ ਕਾਰਨ ਪੀ ਪੀ ਪੀ ਹੀ ਬਣੀ ਅਤੇ ਬਾਦਲ ਸਰਕਾਰ ਨੂੰ ਮੁੜ ਸੱਤਾ ਵਿਚ ਲਿਆਉਣ ਲਈ ਸਹਾਈ ਹੋਈ। ਇਸ ਗੱਲ ਦੀ ਪ੍ਰੋੜਤਾ ਕਾਂਗਰਸ ਪਾਰਟੀ ਦੀ ਪ੍ਰਧਾਨ ਸੋਨੀਆਂ ਗਾਂਧੀ ਵੀ ਕਰ ਚੁੱਕੀ ਹੈ। ਚੋਣਾਂ ਜਿੱਤਣ ਤੋਂ ਬਾਅਦ ਸ: ਪਰਕਾਸ਼ ਸਿੰਘ ਬਾਦਲ ਜਿੱਥੇ ਆਪਣੇ ਭਰਾ ਗੁਰਦਾਸ ਸਿੰਘ ਬਾਦਲ ਨੂੰ ਲਗਾਤਾਰ ਮਿਲਦੇ ਗਿਲਦੇ ਆ  ਰਹੇ, ਉੱਥੇ ਉਨਾਂ ਨੇ ਆਪਣੇ ਭਰਾ ਲਈ ਇਕ ਮਹਿੰਗੀ ਕੈਮਰੀ ਗੱਡੀ ਸਰਕਾਰ ਵੱਲੋਂ ਦੇਣ ਦਾ ਐਲਾਨ ਵੀ ਕੀਤਾ ਹੈ। ਦੇਣੀ ਵੀ ਚਾਹੀਦੀ ਹੈ, ਕਿਉਂ ਕਿ ਜੇਕਰ ਪੀਪਲਜ਼ ਪਾਰਟੀ ਖੜੀ ਨਾ ਹੁੰਦੀ ਤਾਂ ਅੱਜ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਹੋਣੀ ਸੀ। ਇੱਥੇ ਇਕ ਹੋਰ ਅਜਿਹੀ ਰਾਜਨੀਤਕ ਘਟਨਾ ਦਾ ਜਿਕਰ ਕਰਨਾਂ ਬਣਦਾ ਹੈ ਕਿ ਜਦੋਂ ਸ: ਦਰਬਾਰਾ ਸਿੰਘ ਪੰਜਾਬ ਦੇ ਮੁੱਖ ਮੰਤਰੀ ਬਣੇ ਤਾਂ ਹਰਚੰਦ ਸਿੰਘ ਫੱਤਣਵਾਲਾ ਮੁਕਤਸਰ ਤੋਂ ਅਕਾਲੀ ਦਲ ਦੀ ਟਿਕਟ ਤੇ ਐਮ ਐਲ ਏ ਦੀ ਚੋਣ ਕਾਂਗਰਸ ਦੇ ਉਮੀਦਵਾਰ ਸ: ਹਰਚਰਨ ਸਿੰਘ ਬਰਾੜ ਨਾਲ  ਲੜੇ ਅਤੇ ਸ: ਬਰਾੜ ਨੂੰ ਹਰਾ ਦਿੱਤਾ ਪਰ ਸਰਕਾਰ ਕਾਂਗਰਸ ਦੀ ਬਣ ਗਈ ਅਤੇ ਮੁੱਖ ਮੰਤਰੀ ਸ: ਦਰਬਾਰਾ ਸਿੰਘ ਬਣੇ। ਉਸ ਸਮੇਂ ਸ: ਹਰਚੰਦ ਸਿੰਘ ਫੱਤਣਵਾਲਾ ਨੇ ਸ: ਦਰਬਾਰਾ ਸਿੰਘ ਨੂੰ ਮਸ਼ਕਰੀ ਲਹਿਜੇ ਚ ਕਿਹਾ ਕਿ ਮੁੱਖ ਮੰਤਰੀ ਸਾਹਬ ਤੁਹਾਨੂੰ ਮੇਰੀ ਤਸਵੀਰ ਆਪਣੇ ਕਮਰੇ ਚ ਲਗਾਕੇ ਰੱਖਣੀ ਚਾਹੀਦੀ ਹੈ , ਕਿਉਂ ਕਿ ਜੇ ਮੈਂ ਮੁਕਤਸਰ ਤੋਂ ਹਰਚਰਨ ਸਿੰਘ ਬਰਾੜ ਨੂੰ ਨਾਂ ਹਰਾਉਂਦਾ ਤਾਂ ਅੱਜ ਤੁਹਾਡੀ ਥਾਂ ਤੇ ਮੁੱਖ ਮੰਤਰੀ ਦੀ ਕੁਰਸੀ ਤੇ ਹਰਚਰਨ ਸਿੰਘ ਬਰਾੜ ਨੇ ਬੈਠੇ ਹੋਣਾ ਸੀ। ਸੋ ਜੇ ਪੀਪਲਜ਼ ਪਾਰਟੀ ਨਾਂ ਹੁੰਦੀ ਤਾਂ ਅੱਜ ਮੁੱਖ ਮੰਤਰੀ ਰਾਜਾ ਸਾਹਿਬ ਨੇ ਹੋਣਾਂ ਸੀ। ਇਹ ਪੀਪਲਜ਼ ਪਾਰਟੀ ਦੀ ਦੇਣ ਹੈ ਕਿ ਅਕਾਲੀ ਦਲ ਦੀ ਸਰਕਾਰ ਦੁਬਾਰਾ ਹੋਂਦ ਵਿਚ ਆਈ।  ਜਦੋਂ ਮਨਪ੍ਰੀਤ ਸਿੰਘ ਬਾਦਲ ਨੇ ਪੀਪਲਜ਼ ਪਾਰਟੀ ਦਾ ਐਲਾਨ ਕੀਤਾ ਸੀ ਤਾਂ ਅਸੀਂ ਉਦੋਂ ਹੀ ਇਕ ਲੇਖ ਲਿਖਕੇ ਇਹ ਸ਼ੱਕ ਜਾਹਿਰ ਕੀਤਾ ਸੀ ਕਿ ਇਹ ਕੋਈ ਰਾਜਨੀਤਕ ਚਾਲ ਹੋ ਸਕਦੀ ਹੈ। ਕਿਉਂ ਕਿ ਸ: ਬਾਦਲ ਦੀ ਸਰਕਾਰ ਵਿਚ 4 ਸਾਲ ਖਜ਼ਾਨਾਂ ਮੰਤਰੀ ਰਹਿਣ ਵਾਲੇ ਮਨਪ੍ਰੀਤ ਸਿੰਘ ਬਾਦਲ ਨੂੰ ਪਹਿਲੇ 4 ਸਾਲ ਬਾਦਲ ਸਰਕਾਰ ਦੀਆਂ ਮਨਮਾਨੀਆਂ ਦਾ ਖਿਆਲ ਕਿਉਂ ਨਾਂ ਆਇਆ। ਮਨਪ੍ਰੀਤ ਬਾਦਲ ਦੇ ਖਜ਼ਾਨਾਂ ਮੰਤਰੀ ਹੁੰਦਿਆਂ ਪੰਜਾਬ ਦੇ ਖਜ਼ਾਨੇ ਦਾ 80 ਪ੍ਰਤੀਸ਼ਤ ਪੈਸਾ ਗਿੱਦੜਬਹਾ, ਬਠਿੰਡਾ, ਲੰਬੀ ਅਤੇ ਜਲਾਲਾਬਾਦ ਹਲਕੇ ਤੇ ਖਰਚ ਹੋਇਆ। ਉਂਦੋਂ ਮਨਪ੍ਰੀਤ ਬਾਦਲ ਨੇ ਇਹ ਕਿਉਂ ਨਾ ਕਿਹਾ ਕਿ ਤਾਇਆ ਜੀ ਬਾਕੀ 113 ਹਲਕਿਆਂ ਚ ਵੀ ਬੰਦੇ ਹੀ ਰਹਿੰਦੇ ਹਨ, ਚਾਰ ਹਲਕਿਆਂ ਨੂੰ ਹੀ ਸਹੂਲਤਾਂ ਕਿਉਂ ਦਿੱਤੀਆਂ ਜਾ ਰਹੀਆਂ ਹਨ। ਪਰ ਉਹ ਚੁੱਪ ਰਹੇ ਅਤੇ ਅਖੀਰਲੇ ਸਾਲ ਸਭ ਕੁੱਝ ਮਾੜਾ ਜਾਪਣ ਲੱਗ ਪਿਆ। ਚੋਣਾਂ ਤੋਂ ਬਾਅਦ ਵੀ ਉਨਾਂ ਨੇ ਆਪਣੀ ਪਾਰਟੀ ਦੀ ਕੋਈ ਸਰਗਰਮੀ ਨਹੀਂ ਵਿਖਾਈ ਤੇ ਹੁਣ ਨਗਰ ਨਿਗਮ ਅਤੇ ਹੋਰ ਅਦਾਰਿਆਂ ਦੀਆਂ ਚੋਣਾਂ ਨੂੰ ਅਤੇ ਲੋਕ ਸਭਾ ਦੀਆਂ ਚੋਣਾਂ ਨੂੰ ਮੁੱਖ ਰੱਖਦਿਆਂ ਜੱਥੇਬੰਦਕ ਢਾਂਚੇ ਦਾ ਐਲਾਨ ਕੀਤਾ ਹੈ ਤਾਂ ਕਿ ਨਿਰਾਸ਼ ਵਰਕਰ ਖਿੰਡਪੁੰਡ ਨਾ ਜਾਣ। ਲੋਕਾਂ ਦੀਆਂ ਕਿਆਸ ਅਰਾਂਈਆਂ ਅਨੁਸਾਰ ਇਨਾਂ ਚੋਣਾਂ ਵਿਚ ਵੀ ਅਸਿੱਧੇ ਢੰਗ ਨਾਲ ਅਕਾਲੀ ਦਲ ਦੀ ਹੀ ਮਦਦ ਕੀਤੀ ਜਾਵੇਗੀ। ਇਹ ਵੀ ਸੁਣਨ ਨੂੰ ਮਿਲ ਰਿਹਾ ਹੈ ਕਿ ਲੋਕ ਸਭਾ ਦੀ ਚੋਣ ਮਨਪ੍ਰੀਤ ਸਿੰਘ ਬਾਦਲ ਨੂੰ ਅਕਾਲੀ ਦਲ ਦੀ ਟਿਕਟ ਤੇ ਹੀ ਲੜਾਈ ਜਾਵੇਗੀ ਅਤੇ ਜਿਤਾਕੇ ਕੇਂਦਰ ਵਿਚ ਭੇਜਿਆ ਜਾਵੇਗਾ। ਭਾਵੇਂ ਮਨਪ੍ਰੀਤ ਸਿੰਘ ਬਾਦਲ ਇਨਾਂ ਕਿਆਸ ਅਰਾਂਈਆਂ ਦਾ ਖੰਡਨ ਕਰ ਰਹੇ ਹਨ ਪਰ ਉਨਾਂ ਦੇ ਪਿਤਾ ਸ: ਗੁਰਦਾਸ ਸਿੰਘ ਬਾਦਲ ਨੇ ਗੋਲਮੋਲ ਗੱਲ ਕਰ ਦਿੱਤੀ ਹੈ ਕਿ ਹਾਲੇ ਤਾਂ ਅਕਾਲੀ ਦਲ ਵਿਚ ਰਲੇਵੇਂ ਦੀ ਕੋਈ ਗੱਲ ਨਹੀਂ ਪਰ ਫੇਰ ਵੀ ਇਸ਼ਾਰਾ ਕਰ ਦਿੱਤਾ ਹੈ ਕਿ ਸਿਆਸਤ ਵਿਚ ਸਭ ਸੰਭਵ ਹੈ

ਮੁਹਾਲੀ  ਦੀ ਇੱਕ ਅਦਾਲਤ ਨੇ  ਅਕਾਲੀ ਮੰਤਰੀ ਤੋਤਾ ਸਿੰਘ ਨੂੰ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਤਹਿਤ ਇੱਕ ਸਾਲ ਦੀ ਸਜ਼ਾ ਤੇ  ਤੀਹ  ਹਜ਼ਾਰ ਰੁਪਏ ਜੁ਼ਰਮਾਨਾ ਕੀਤਾ ਹੈ।
ਬੇਸ਼ੱਕ ਇਸ ਮਾਮਲੇ ਵਿੱਚ ਅਕਾਲੀ ਮੰਤਰੀ ਨੂੰ ਜ਼ਮਾਨਤ ਮਿਲ ਗਈ ਹੈ।
ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਸਮੇਂ   ਤੋਤਾ ਸਿੰਘ ਖਿਲਾਫ਼  ਵਸੀਲਿਆਂ  ਤੋਂ ਵੱਧ  ਜਾਇਦਾਦ ਬਣਾਉਣ ਅਤੇ  ਸਰਕਾਰੀ ਕਾਰ ਦੀ ਦੁਰਵਰਤੋਂ ਦਾ   ਮਾਮਲੇ ਦਰਜ਼ ਕੀਤਾ ਗਿਆ ਸੀ । ਜਿਸ   ਦਾ ਅੱਜ ਫੈਸਲਾ ਹੋਇਆ।
ਤੋਤਾ ਸਿੰਘ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਹ ਨੇ ਹਾਈਕੋਰਟ ਵਿੱਚ ਇਸ ਮਾਮਲੇ ਨੂੰ ਚੁਣੌਤੀ ਦੇਣਗੇ ।  ਉਹਨਾ ਇਹ ਵੀ ਸਪੱਸ਼ਟ ਕੀਤਾ ਕਿ ਉਹ ਆਪਣੇ  ਮੰਤਰੀ ਪਦ ਨੂੰ  ਨਹੀਂ ਤਿਆਗਣਗੇ ।

ਗੁਰਭੇਜ ਸਿੰਘ ਚੌਹਾਨ
98143 06545
ਪੰਜਾਬੀ ਦੀ ਕਹਾਵਤ ਹੈ ਕਿ ਜੱਟ ਮਚਲਾ ਖੁਦਾ ਨੂੰ ਲੈ ਗੇ ਚੋਰ। ਇਹ ਕਹਾਵਤ ਉਸ ਇਨਸਾਨ ਤੇ ਢੁੱਕਦੀ ਹੈ ਜੋ ਬੜਾ ਚਤਰ ਚਲਾਕ ਹੋਵੇ ਅਤੇ ਦਿਲ ਦੀ ਗੱਲ ਦੀ ਕਿਸੇ ਨੂੰ ਭਿਣਕ ਤੱਕ ਨਾ ਪੈਣ ਦੇਵੇ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਰਾਜਨੀਤੀ ਤੇ ਇਹ ਕਹਾਵਤ ਬਿਲਕੁੱਲ ਢੁਕਵੀਂ ਹੈ। ਰਾਜਨੀਤਕ ਹਲਕਿਆਂ ਵਿਚ ਇਹ ਗੱਲ ਪ੍ਰਸਿੱਧ ਹੈ ਕਿ ਸ: ਬਾਦਲ ਕਿਸੇ ਨੂੰ ਦਿਲ ਦਾ ਭੇਤ ਨਹੀਂ ਦਿੰਦੇ। ਜੋ ਉਨਾਂ ਨੇ ਕਰਨਾਂ ਹੋਵੇ ਉਸ ਬਾਰੇ ਉਨਾਂ ਨੂੰ ਪੁੱਛਿਆ ਜਾਵੇ ਤਾਂ ਉਹ ਗੁੰਗੇ ਕਮਲੇ ਬਣ ਜਾਂਦੇ ਹਨ ਅਤੇ ਅਜਿਹਾ ਜਵਾਬ ਦਿੰਦੇ ਹਨ ਕਿ ਪੁੱਛਣ ਵਾਲਾ ਦੁਬਾਰਾ ਹੋਰ ਗੱਲ ਪੁੱਛਣ ਜੋਗਾ ਨਹੀਂ ਰਹਿੰਦਾ। ਪਿਛਲੇ ਦਿਨੀ ਜਦੋਂ ਅਕਾਲੀ ਦਲ ਦੀ ਵਿਧਾਨ ਸਭਾ ਚੋਣਾਂ ਚ ਜਿੱਤ ਹੋਈ ਤਾਂ ਕਿਸੇ ਪੱਤਰਕਾਰ ਨੇ ਪੁੱਛਿਆ ਕਿ ਮੁੱਖ ਮੰਤਰੀ ਕੀਹਨੂੰ ਬਣਾ ਰਹੇ ਹੋ? ਬਾਦਲ ਸਾਹਿਬ ਨੇ ਝੱਟ ਕਹਿ ਦਿੱਤਾ ਕਹਿੰਦੇ ਤੈਨੂੰ ਬਣਾ ਦਿੰਨੇ ਆਂ। ਭਾਵ ਪੱਤਰਕਾਰ ਦਾ ਇਸ਼ਾਰਾ ਤਾਂ ਸੁਖਬੀਰ ਬਾਰੇ ਭਾਫ ਲੈਣ ਦਾ ਸੀ ਪਰ ਉਨਾਂ ਨੇ ਹੋਰ ਈ ਉੱਤਰ ਕੱਢ ਮਾਰਿਆ । ਗੱਲ ਹਾਸੇ ਪੈ ਗਈ ਤੇ ਵਿਚ ਵਿਚਾਲੇ ਰਹਿ ਗਈ।  ਹੁਣ ਕੁੱਝ ਦਿਨਾਂ ਤੋਂ ਚਰਚਾ ਦਾ ਬਾਜ਼ਾਰ ਗਰਮ ਹੈ ਕਿ ਬਾਦਲ ਸਾਹਿਬ ਉਪ ਰਾਸ਼ਟਰਪਤੀ ਬਣਨ ਜਾ ਰਹੇ ਹਨ ਪਰ ਸ: ਬਾਦਲ ਨੇ ਇਸ ਬਾਰੇ ਕੋਈ ਭਾਫ ਨਹੀਂ ਕੱਢੀ, ਲੋਕ ਜਰੂਰ ਕਿਆਫੇ ਲਾ ਰਹੇ ਹਨ। ਇਥੇ ਵਿਚਾਰਨ ਵਾਲੀ ਗੱਲ ਇਹ ਹੈ ਕਿ ਬਾਦਲ ਸਾਹਿਬ ਨੇ ਇਸ ਬਾਰੇ ਅਗਿਆਨਤਾ ਪ੍ਰਗਟ ਕੀਤੀ ਹੈ। ਇਸਤੋਂ ਗੈੱਸ ਲਾਇਆ ਜਾ ਸਕਦਾ ਹੈ ਕਿ ਜਰੂਰ ਦਾਲ ਚ ਕਾਲਾ ਹੈ ਜਾਂ ਅੱਗ ਲੱਗਦੀ ਤਾਂ ਹੀ ਧੂੰਆਂ ਨਜ਼ਰ ਆਉਂਦਾ। ਲੋਕਾਂ ਦੀ ਭਾਖਿਆ ਸੱਚ ਹੋ ਸਕਦੀ ਹੈ। ਕਿਉਂ ਕਿ ਸ: ਬਾਦਲ ਨੂੰ ਕੋਈ ਨਾ ਕੋਈ ਬਹਾਨਾਂ ਚਾਹੀਦਾ ਹੈ ਕਿ ਉਹ ਮੁੱਖ ਮੰਤਰੀ ਦੀ ਕੁਰਸੀ ਛੱਡਣ ਤੇ ਉਹ ਵੇਲਾ ਕਦੋਂ ਹੋਵੇ ਜਦੋਂ ਸੁਖਬੀਰ ਨੂੰ ਪੂਰਨ ਮੁੱਖ ਮੰਤਰੀ ਬਣਾਉਣ। ਮੁੱਖ ਮੰਤਰੀ ਤਾਂ ਅੱਜ ਵੀ ਸੁਖਬੀਰ ਹੀ ਹੈ ਪਰ ਸਰਕਾਰੀ ਮੋਹਰ ਲੱਗਣੀ ਅਜੇ ਬਾਕੀ ਹੈ। ਅਜੇ ਪਹਿਲਾਂ ਗੱਲ ਰਾਸ਼ਟਰਪਤੀ ਦੀ ਚੋਣ ਤੇ ਖੜੀ ਹੈ ਜਿਸ ਲਈ ਸਤਿਕਾਰਯੋਗ ਸ਼ਖਸ਼ੀਅਤ ਸ਼੍ਰੀ ਅਬਦੁੱਲ ਕਲਾਮ ਦਾ ਨਾਂ ਆ ਰਿਹਾ ਹੈ ਤੇ ਇਹ ਹੋਣਾ ਵੀ ਚਾਹੀਦਾ ਹੈ ਕਿਉਂ ਕਿ ਇਹ ਗੱਲ ਦੇਸ਼ ਦੇ ਹਿੱਤ ਵਿਚ ਹੈ। ਇਸਤੋਂ ਬਾਅਦ ਹੀ  ਉਪ ਰਾਸ਼ਟਰਪਤੀ ਦੀ ਚੋਣ ਬਾਰੇ ਸੋਚਿਆ ਜਾਵੇਗਾ। ਜੇਕਰ ਅਬਦੁੱਲ ਕਲਾਮ ਰਾਸ਼ਟਰਪਤੀ ਨਾ ਬਣ ਸਕੇ ਤਾਂ ਕਿਹਾ ਜਾ ਰਿਹਾ ਹੈ ਕਿ ਕਿਸੇ ਮੁਸਲਿਮ ਸ਼ਖਸ਼  ਨੂੰ ਉਪ ਰਾਸ਼ਟਰਪਤੀ ਬਣਾਇਆ ਜਾ ਸਕਦਾ ਹੈ। ਫੇਰ ਬਾਦਲ ਸਾਹਿਬ ਦੀਆਂ ਸੰਭਾਵਨਾਂਵਾਂ ਘੱਟ ਦੱਸੀਆਂ ਜਾ ਰਹੀਆਂ ਹਨ। ਦੂਸਰਾ ਜੇ ਰਾਸ਼ਟਰਪਤੀ ਦੀ ਚੋਣ ਤੇ ਯੂ ਪੀ ਏ ਅਤੇ ਐਨ ਡੀ ਏ ਵਿਚ ਸਹਿਮਤੀ ਹੋ ਗਈ ਤਾਂ ਫੇਰ ਬਾਦਲ ਸਾਹਿਬ ਦਾ ਦਾਅ ਲੱਗ ਸਕਦਾ ਹੈ। ਕਿਉਂ ਕਿ ਸ: ਬਾਦਲ ਐਨ ਡੀ ਏ ਨਾਲ ਘਿਉ ਖਿੱਚੜੀ ਹਨ। ਖੇਤਰੀ ਪਾਰਟੀਆਂ ਅੰਨਾ ਡੀ ਐਮ ਕੇ ਅਤੇ ਅਤੇ ਬੀਜੂ ਜਨਤਾ ਦਲ ਸ; ਬਾਦਲ ਦੀ ਤੱਕੜੀ ਦਾ ਪਲੜਾ ਭਾਰੀ ਕਰ ਸਕਦੇ ਹਨ ਅਤੇ ਰਾਸ਼ਟਰਵਾਦੀ ਕਾਂਗਰਸ ਵੀ ਇਧਰ ਗੁਣਾ ਪਾ ਸਕਦੀ ਹੈ ਅਤੇ ਸ: ਬਾਦਲ ਪ੍ਰਧਾਨ ਮੰਤਰੀ ਸ: ਮਨਮੋਹਨ ਸਿੰਘ ਨੂੰ ਭਾਵੇਂ ਪੰਜਾਬ ਚ ਤਾਂ ਨਿੰਦਦੇ ਰਹਿੰਦੇ ਹਨ ਪਰ ਹਰਿਆਣੇ ਦੀ ਹੱਦ ਚ ਦਾਖਲ ਹੋ ਕੇ ਉਹ ਸ: ਮਨਮੋਹਨ ਸਿੰਘ ਦੀ ਤਾਰੀਫ ਕਰਨ ਲੱਗ ਪੈਂਦੇ ਹਨ ਅਤੇ ਇਸ ਕੰਮ ਲਈ ਉਨਾਂ ਕੋਲ ਮਨਮੋਹਨ ਸਿੰਘ ਨੂੰ ਵੀ ਆਪਣੇ ਹੱਕ ਚ ਭੁਗਤਾਉਣ ਲਈ ਕਲਾ ਹੈ। ਦੇਖੋ ਆਗੇ ਆਗੇ ਹੋਤਾ ਹੈ ਕਿਆ?

ਚੰਡੀਗੜ੍ਹ, (2 ਮਈ,ਪੀ.ਐਸ.ਐਨ):-ਪੰਜਾਬ ਦੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਨੇ ਅੱਜ ਸਟਾਰ ਕ੍ਰਿਕਟਰ ਸ੍ਰੀ ਯੁਵਰਾਜ ਸਿੰਘ ਨੂੰ ਵਿਸ਼ਵ ਪੱਧਰੀ ਖੇਡ ਅਕੈਡਮੀ ਸਥਾਪਤ ਕਰਨ ਲਈ ਚੰਡੀਗੜ੍ਹ ਨੇੜੇ ਕਿਸੇ ਵੀ ਜਗ੍ਹਾ 20 ਏਕੜ ਜ਼ਮੀਨ ਦੇਣ ਦੀ ਪੇਸ਼ਕਸ਼ ਕੀਤੀ ਹੈ। ਸ੍ਰੀ ਯੁਵਰਾਜ ਸਿੰਘ ਆਪਣੀ ਮਾਤਾ ਸ੍ਰੀਮਤੀ ਸ਼ਬਨਮ ਸਿੰਘ ਨਾਲ ਸ. ਬਾਦਲ ਨੂੰ ਅੱਜ ਸਵੇਰੇ ਉਨ੍ਹਾਂ ਦੀ ਰਿਹਾਇਸ਼ ’ਤੇ ਮਿਲੇ। ਸ. ਬਾਦਲ ਨੇ ਸ਼੍ਰੀ ਯੁਵਰਾਜ ਸਿੰਘ ਦੀ ਸਿਹਤ ਦਾ ਹਾਲ-ਚਾਲ ਪੁੱਛਿਆ ਅਤੇ ਉਹਨਾਂ ਦੇ ਛੇਤੀ ਸਿਹਤਯਾਬ ਹੋਣ ਲਈ ਦੁਆ ਕੀਤੀ। ਸ. ਬਾਦਲ ਨੇ ਯੁਵਰਾਜ ਸਿੰਘ ਵਲੋਂ ਚੰਡੀਗੜ੍ਹ ਨੇੜੇ ਉਚ ਦਰਜੇ ਦੀ ਖੇਡ ਅਕੈਡਮੀ ਕਾਇਮ ਕਰਨ ਲਈ ਰੱਖੀ ਤਜਵੀਜ਼ ਦੀ ਭਰਵੀਂ ਸ਼ਲਾਘਾ ਕੀਤੀ ਜਿੱਥੇ ਉਭਰਦੇ ਖਿਡਾਰੀਆਂ ਨੂੰ ਕ੍ਰਿਕਟ, ਹਾਕੀ, ਗੌਲਫ਼ ਅਤੇ ਟੈਨਿਸ ਦੀ ਸਿਖਲਾਈ ਦੇਣ ਤੋਂ ਇਲਾਵਾ ਖਿਡਾਰੀਆਂ ਲਈ ਰਹਿਣ-ਸਹਿਣ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾਵੇਗੀ। ਮੁੱਖ ਮੰਤਰੀ ਨੇ ਆਪਣੇ ਪ੍ਰਮੁੱਖ ਸਕੱਤਰ ਨੂੰ ਆਖਿਆ ਕਿ ਲੋੜੀਂਦੀ ਜ਼ਮੀਨ ਅਲਾਟ ਕਰਨ ਲਈ ਢੁਕਵੀਂ ਪ੍ਰਕਿਰਿਆ ਮੁਕੰਮਲ ਕੀਤੀ ਜਾਵੇ। ਸ. ਬਾਦਲ ਨੇ ਸ਼੍ਰੀ  ਯੁਵਰਾਜ ਸਿੰਘ ਨੂੰ ਦੱਸਿਆ ਕਿ ਸੂਬਾ ਸਰਕਾਰ ਨੇ ਨੌਜਵਾਨਾਂ ਨੂੰ ਮਿਆਰੀ ਸਿੱਖਿਆ ਅਤੇ ਖੇਡਾਂ ਦੀ ਸਿਖਲਾਈ ਦੇਣ ਲਈ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਘੁੱਦਾ ਵਿਖੇ ਪਹਿਲਾਂ ਹੀ ਇੱਕ ਸਪੋਰਟਸ ਸਕੂਲ ਸਥਾਪਤ ਕੀਤਾ ਹੋਇਆ ਹੈ ਤਾਂ ਜੋ ਖਿਡਾਰੀਆਂ ਨੂੰ ਕੌਮੀ ਤੇ ਕੌਮਾਂਤਰੀ ਮੁਕਾਬਲਿਆਂ ਵਿੱਚ ਬਿਹਤਰ ਖੇਡ ਪ੍ਰਤਿਭਾ ਦਿਖਾਉਣ ਦੇ ਸਮਰੱਥ ਬਣਾਇਆ ਜਾ ਸਕੇ।

ਸ. ਬਾਦਲ ਨੇ ਇਹ ਵੀ ਦੱਸਿਆ ਕਿ ਨਾਮਵਰ ਖਿਡਾਰੀਆਂ ਨੂੰ ਮਾਣ-ਸਨਮਾਨ ਦੇਣ ਲਈ ਪੰਜਾਬ ਖੇਡ ਨੀਤੀ ਬਣਾਉਣ ਵਾਲਾ ਪਹਿਲਾ ਅਜਿਹਾ ਸੂਬਾ ਹੈ ਜੋ ਕੌਮੀ ਤੇ ਕੌਮਾਂਤਰੀ ਮੁਕਾਬਲਿਆਂ ’ਚ ਬਿਹਤਰੀਨ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਨੂੰ ਸਰਕਾਰੀ ਨੌਕਰੀਆਂ ਦੇਣ ਤੋਂ ਇਲਾਵਾ ਚੰਗੀ ਇਨਾਮੀ ਰਾਸ਼ੀ ਵੀ ਪ੍ਰਦਾਨ ਕਰਦਾ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੁੱਖ ਮੰਤਰੀ ਦੇ ਪ੍ਰਮੁੱਖ ਸਕੱਤਰ ਸ਼੍ਰੀ ਐਸ.ਕੇ. ਸੰਧੂ, ਮੁੱਖ ਮੰਤਰੀ ਦੇ ਸਿਆਸੀ ਸਕੱਤਰ ਮੇਜਰ ਭੁਪਿੰਦਰ ਸਿੰਘ, ਮੁੱਖ ਮੰਤਰੀ ਦੇ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਸ਼੍ਰੀ ਕੇ.ਜੇ.ਐਸ. ਚੀਮਾ ਤੇ ਸ਼੍ਰੀ ਗਗਨਦੀਪ ਸਿੰਘ ਬਰਾੜ ਹਾਜ਼ਰ ਸਨ।

ਨਵੀਂ ਦਿੱਲੀ -  ਲੋਕ ਸਭਾ ਵਿਚ ਗੈਰ ਕੌਮੀ ਜਮਹੂਰੀ ਗਠਜੋੜ (ਐਨ ਡੀ ਏ ) ਪਾਰਟੀਆਂ ਵੱਲੋਂ ਉਸ ਵੇਲੇ ਗੁਜਰਾਤ ਸਰਕਾਰ ‘ਤੇ ਤਿੱਖੇ ਹਮਲੇ ਕੀਤੇ ਗਏ ਜਦੋਂ ਇਕ ਔਰਤ ਕਾਂਗਰਸ ਸੰਸਦ ਮੈਂਬਰ ਨਾਲ ਗੁਜਰਾਤ ਪੁਲਿਸ ਵੱਲੋਂ ਖਿੱਚ ਧੂਹ ਕਰਨ ਦੇ ਦੋਸ਼ ਲਾਏ ਗਏ। ਇਸ ‘ਤੇ ਭਾਜਪਾ ਨੂੰ ਸਦਨ ਵਿਚ ਅਣਸੁਖਾਵੀਂ ਸਥਿੱਤੀ ਦਾ ਸਾਹਮਣਾ ਕਰਨਾ ਪਿਆ। ਖੱਬੀਆਂ ਪਾਰਟੀਆਂ, ਸਮਾਜਵਾਦੀ ਪਾਰਟੀ, ਬਸਪਾ, ਤ੍ਰਿਣਮੂਲ ਕਾਂਗਰਸ, ਆਲ ਇੰਡੀਆ ਅੰਨਾ ਡੀ ਐਮ ਕੇ ਤੇ ਰਾਸ਼ਟਰੀ ਜਨਤਾ ਦਲ ਦੇ ਮੈਂਬਰਾਂ ਨੇ ਇਕਸੁਰ ਵਿਚ ਮੰਗ ਕੀਤੀ ਕਿ ਦੋਸ਼ੀਆਂ ਵਿਰੁੱਧ ਫੌਰੀ ਕਾਰਵਾਈ ਕੀਤੀ ਜਾਵੇ।
ਕੁਝ ਮੈਂਬਰਾਂ ਨੇ ਮਾਮਲਾ ਮਰਿਯਾਦਾ ਕਮੇਟੀ ਦੇ ਸਪੁਰਦ ਕਰਨ ‘ਤੇ ਜ਼ੋਰ ਦਿੱਤਾ। ਲੋਕ ਸਭਾ ਵਿਚ ਇਹ ਮੁੱਦਾ ਕਾਂਗਰਸ ਮੈਂਬਰ ਗਿਰਜਾ ਵਿਆਸ ਨੇ ਉਠਾਉਂਦਿਆਂ ਕਿਹਾ ਕਿ ਉਸ ਦੇ ਸਾਥੀ ਮੈਂਬਰ ਪ੍ਰਭਾ ਕਿਸ਼ੋਰ ਤਵੀਆਦ ਨੂੰ ਪੁਲਿਸ ਨੇ ਗੁਜਰਾਤ ਦਿਵਸ ਸਮਾਗਮ ਵਿਚ ਸ਼ਾਮਿਲ ਨਹੀਂ ਹੋਣ ਦਿੱਤਾ ਤੇ ਉਸ ਨਾਲ ਬਦਸਲੂਕੀ ਕੀਤੀ ਹੈ। ਉਸ ਨੇ ਦਾਅਵਾ ਕੀਤਾ ਕਿ ਤਵੀਆਦ ਤੇ ਕੁਝ ਕਾਂਗਰਸ ਵਿਧਾਇਕਾਂ ਨਾਲ ਖਿੱਚ ਧੂਹ ਕੀਤੀ ਗਈ ਤੇ ਉਨ੍ਹਾਂ ਨੂੰ ਪੁਲਿਸ ਵਾਲੇ 300-400 ਕਿਲੋਮੀਟਰ ਦੂਰ ਲੈ ਗਏ। ਪ੍ਰਤੱਖ ਤੌਰ ‘ਤੇ ਪ੍ਰੇਸ਼ਾਨ ਨਜ਼ਰ ਆ ਰਹੀ ਤਵੀਆਦ ਨੇ ਆਪਣੀਆਂ ਬਾਹਾਂ ਉਪਰ ਪਈਆਂ ਝਰੀਟਾਂ ਵਿਖਾਈਆਂ। ਵਿਆਸ ਨੇ ਕਿਹਾ ਕਿ ਪੁਲਿਸ ਨੇ ਤਵੀਆਦ ਦੇ ਵਾਲ ਪੁੱਟੇ ਤੇ ਉਸ ਨਾਲ ਧੱਕਾ ਮੁੱਕੀ ਕੀਤੀ। ਇਸ ‘ਤੇ ਕਾਂਗਰਸ ਮੈਂਬਰਾਂ ਨੇ ‘ਸ਼ਰਮ ਕਰੋ-ਸ਼ਰਮੋ ਕਰੋ’ ਦੇ ਨਾਅਰੇ ਲਾਏ ਜਦ ਕਿ ਭਾਜਪਾ ਮੈਂਬਰ ਖਾਮੋਸ਼ ਬੈਠੇ ਰਹੇ। ਬਾਅਦ ਵਿਚ ਪਾਰਟੀ ਆਗੂ ਸੁਸ਼ਮਾ ਸਵਰਾਜ ਨੇ ਕਿਹਾ ਕਿ ਕਿਉਂਕਿ ਇਹ ਇਕ ਗੰਭੀਰ ਮੁੱਦਾ ਹੈ ਇਸ ਲਈ ਉਹ ਇਸ ਸਬੰਧ ਵਿਚ ਮੁੱਖ ਮੰਤਰੀ ਨਰਿੰਦਰ ਮੋਦੀ ਤੋਂ ਰਿਪੋਰਟ ਲੈਣਗੇ। ਗੁਰੂਦਾਸ ਦਾਸਗੁਪਤਾ (ਕਮਿਊਨਿਸਟ ਪਾਰਟੀ), ਬਾਸੂਦੇਬ ਅਚਾਰੀਆ (ਮਾਰਕਸੀ ਪਾਰਟੀ), ਵਿਜੇ ਬਹਾਦਰ ਸਿੰਘ (ਬਹੁਜਨ ਸਮਾਜ ਪਾਰਟੀ), ਰੇਵਤੀ ਰਮਨ ਸਿੰਘ (ਸਮਾਜਵਾਦੀ ਪਾਰਟੀ), ਲਾਲੂ ਪ੍ਰਸਾਦ ਯਾਦਵ (ਰਾਸ਼ਟਰੀ ਜਨਤਾ ਦਲ), ਐਮ। ਥਾਂਬੀਦੁਰਾਈ (ਆਲ ਇੰਡੀਆ ਅੰਨਾ ਡੀ।ਐਮ।ਕੇ।) ਤੇ ਕਕੋਲੀ ਘੋਸ਼ ਦਸਤੀਦਾਰ (ਤ੍ਰਿਣਮੂਲ ਕਾਂਗਰਸ) ਨੇ ਮਾਮਲੇ ਨੂੰ ਗੰਭੀਰ ਕਰਾਰ ਦਿੰਦਿਆਂ ਹੋਇਆਂ ਦੋਸ਼ੀਆਂ ਵਿਰੁੱਧ ਤੁਰੰਤ ਕਾਰਵਾਈ ਕਰਨ ਲਈ ਕਿਹਾ। ਪੀ। ਸੀ। ਚਾਕੋ ਜੋ ਸਦਨ ਦੀ ਪ੍ਰਧਾਨਗੀ ਕਰ ਰਹੇ ਸਨ ਤੇ ਲੋਕ ਸਭਾ ਦੀ ਮਰਿਯਾਦਾ ਕਮੇਟੀ ਦੇ ਚੇਅਰਮੈਨ ਹਨ, ਨੇ ਕਿਹਾ ਕਿ ਸਪੀਕਰ ਨੂੰ ਪਹਿਲਾਂ ਹੀ ਤਵੀਆਦ ਤੋਂ ਮਰਿਯਾਦਾ ਮਤਾ ਮਿਲ ਚੁੱਕਾ ਹੈ ਤੇ ਇਹ ਮਾਮਲਾ ਸਪੀਕਰ ਉਪਰ ਛੱਡ ਦਿੱਤਾ ਜਾਣਾ ਚਾਹੀਦਾ ਹੈ। ਇਸੇ ਦੌਰਾਨ ਗੁਜਰਾਤ ਸਰਕਾਰ ਨੇ ਕਾਂਗਰਸ ਸੰਸਦ ਮੈਂਬਰ ਵੱਲੋਂ ਲਾਏ ਦੋਸ਼ਾਂ ਨੂੰ ਰੱਦ ਕੀਤਾ ਹੈ। ਰਾਜ ਸਰਕਾਰ ਨੇ ਤਵੀਆਦ ਵੱਲੋਂ ਲਾਏ ਗਏ ਦੋਸ਼ਾਂ ਨੂੰ ਨਿਰਅਧਾਰ ਦੱਸਦਿਆਂ ਕਿਹਾ ਹੈ ਕਿ ਸੰਸਦ ਮੈਂਬਰ ਖਿਲਾਫ ਕਾਰਵਾਈ ਪ੍ਰਸ਼ਾਸਨਿਕ ਪ੍ਰਕਿਰਿਆ ਦਾ ਹਿੱਸਾ ਸੀ

ਟਾਂਡਾ  ਪੁਲੀਸ ਨੇ ਬੈਂਕਾਂ ਅਤੇ ਏ ਟੀ ਐਮ  ਲੁੱਟਣ ਦੀ  ਵਿਉਂਤ ਬਣਾ ਇੱਕ ਗਿਰੋਹ ਨੂੰ  ਗ੍ਰਿਫ਼ਤਾਰ ਕੀਤਾ ਜਿਸ ਦਾ ਮੁਖੀ ਠਾਣੇਦਾਰ   ਹਰਦੀਪ ਸਿੰਘ   ਹੈ  ਜੋ ਕਿ ਅੰਮ੍ਰਿਤਸਰ ਜਿ਼ਲ੍ਹੇ ਵਿੱਚ ਅਮਨ ਕਾਨੂੰਨੀ ਦੀ ਬਹਾਲੀ  ਵਾਸਤੇ ਤਾਇਨਾਤ ਸੀ ।  ਪੁਲੀਸ ਪਾਰਟੀ ਨੇ ਉਸ ਕੋਲੋਂ ਸਰਵਿਸ ਰਿਵਾਲਵਰ ਤੋਂ ਬਿਨਾ ਚੋਰੀ ਲਈ ਲੋੜੀਂਦਾ ਸਮਾਨ ਬਰਾਮਦ ਕੀਤਾ ਹੈ।  ਇਸਦਾ ਇੱਕ ਹੋਰ  ਸਾਥੀ  ਜਸਪ੍ਰੀਤ ਜੱਸਾ ਪੈਰੋਲ ਤੇ ਜੇਲ੍ਹ ਵਿੱਚੋਂ ਛੁੱਟੀ ਤੇ ਆਇਆ ਹੋਇਆ ਹੈ।
ਪੁੱਛਗਿੱਛ ਦੌਰਾਨ ਖੁਲਾਸਾ ਹੋਇਆ ਕਿ  ਉਹ   ਬੈਂਕਾਂ ਅਤੇ ਏਟੀਐਮ ਲੁੱਟਣ ਦੀ ਤਿਆਰੀ ਕਰ ਰਹੇ ਸਨ  । ਇਹਨਾਂ ਦੇ ਤਿੰਨ ਸਾਥੀ  ਫਰਾਰ  ਹੋਣ ਵਿੱਚ ਸਫ਼ਲ ਰਹੇ ।

ਬੀਤੇ ਵਰ੍ਹੇ ਇਸ ਦਿਨ  ਪੂਰੀ ਦੁਨੀਆਂ ਵਿੱਚ ਇੱਕੋਂ ਗੱਲ ਛਾਈ ਹੋਈ ਸੀ ਉਹ ਸੀ ਲਾਦੇਨ ਦੀ ਮੌਤ ,   ਯਕੀਨ ਨਹੀਂ ਆ ਰਿਹਾ ਸੀ ਕਿ ਉਹ ਮਾਰਿਆ ਗਿਆ ਹੋਵੇਗਾ ।  ਕੁੱਝ ਲਈ ਉਹ ਸੰਘਰਸ਼ ਦਾ ਸ਼ਹੀਦ  ਅਤੇ  ਕੁਝ  ਲੋਕਾਂ ਲਈ ਅਤਿਵਾਦ ਦਾ ਧੁਰਾ ।
ਇਸਲਾਮਾਬਾਦ ਸਥਿਤ  ਬੀਬੀਸੀ  ਸੰਵਾਦਦਾਤਾ ਜੁਲਫ਼ਕਾਰ ਅਲੀ  ਨੇ ਪਿਛਲੀ ਦੋ ਮਈ ਨੂੰ ਸਭ ਤੋਂ ਪਹਿਲਾਂ   ਇਹ  ਖ਼ਬਰ ਦਿੱਤੀ ਸੀ ਕਿ  ਪਾਕਿਸਤਾਨ ਦੇ ਸ਼ਹਿਰ ਐਬਟਾਬਾਦ ਵਿੱਚ ਇੱਕ ਅਮਰੀਕੀ  ਹੈਲੀਕਾਪਟਰ ਡਿੱਗਿਆ ਹੈ।
ਇਹ ਖ਼ਬਰ ਬਾਅਦ ਵਿੱਚ ਦੁਨੀਆਂ  ਦੀ ਸਭ ਤੋਂ ਵੱਡੀ ਕਹਾਣੀ ਬਣ ਗਈ ਕਿ  ਐਬਟਾਬਾਦ  ਵਿੱਚ ਓਸਾਮਾ  ਬਿਨ ਲਾਦੇਨ ਮਾਰੇ  ਗਏ  ਹਨ ।
ਇਹ ਖਬਰ ਬਰੇਕ ਕਰਨ ਵਾਲੇ ਜੁਲਫ਼ਕਾਰ ਅਲੀ   ਨੂੰ  ਮੱਧ ਏਸ਼ੀਆ ਦੇ ਖੇਤਰ ਵਿੱਚ  ਸਰਬਸ੍ਰੇਸਟ ਰਿਪੋਰਟਿੰਗ  ਦਾ  ਬੀਬੀਸੀ ਗਲੋਬਲ ਨਿਊਜ ਐਵਾਰਡ 2012 ਮਿਲਿਆ ਹੈ।
ਐਬਟਾਬਾਦ ਵਿੱਚ ਅਮਰੀਕੀ ਕਾਰਵਾਈ ਦੌਰਾਨ ਕੀ ਹੋਇਆ ਸੀ । ਇਸ ਬਾਰੇ ਵਿਸਥਾਰ ਪੂਰਵਕ  ਦੱਸ ਰਹੇ ਹਨ ਬੀਬੀਸੀ ਦੇ ਸੰਵਾਦਦਾਤਾ ਜੁਲਫ਼ਕਾਰ ਅਲੀ :
“ ਮੈਨੂੰ ਆਪਣੇ ਪੱਤਰਕਾਰਤਾ ਦੇ ਜੀਵਨ ਵਿੱਚ ਜੋ ਘਟਨਾਵਾਂ ਹਮੇਸਾ ਯਾਦ ਰਹਿਣਗੀਆਂ । ਉਹਨਾਂ ਵਿੱਚ ਸਭ ਤੋਂ ਜਿ਼ਆਦਾ ਉਹ ਖ਼ਬਰ ਹੈ ਜੋ ਪਿਛਲੇ ਸਾਲ ਦੋ ਮਈ  ਨੂੰ  ਸੁਬਾਹ   ਦੇਖਦੇ ਦੇਖਦੇ ਹੀ ਪੂਰੀ  ਦੁਨੀਆਂ ਦੀ ਸਭਤੋਂ ਵੱਡੀ ਖ਼ਬਰ ਬਣ ਗਈ । ਇਹ ਉਹੀ ਖ਼ਬਰ ਸੀ , ਜਿਸ ਵਿੱਚ ਅਮਰੀਕੀ ਸੈਨਿਕਾਂ ਨੇ ਖੂਫੀਆ ਕਾਰਵਾਈ ਕਰਦੇ ਹੋਏ ਓਸਾਮਾ ਬਿਨ ਲਾਦੇਨ ਨੂੰ ਮਾਰ ਦਿੱਤਾ ਸੀ ।
ਉਸ ਰਾਤ ਪਾਕਿਸਤਾਨ ਵਿੱਚ ਦੋ ਅਹਿਮ ਘਟਨਾਵਾ ਘਟੀਆਂ । ਇੱਕ ਤਾਂ ਸੱਤਾਧਾਰੀ ਦਲ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੇ ਵਿਰੋਧੀ ਅਤੇ ਸਾਬਕਾ ਸੈਨਿਕ ਸ਼ਾਸਕ  ਪਰਵੇਜ ਮੁਸੱ਼ਰਫ ਦੀ ਸਮਰਥਕ ਪਾਰਟੀ ਪਾਕਿਸਤਾਨ ਮੁਸਲਿਮ ਲੀਗ (ਕਿਊ)   ਰਸਮੀ ਤੌਰ ਤੇ  ਸਰਕਾਰ ਵਿੱਚ ਸ਼ਾਮਿਲ ਹੋਈ ।
ਅਤੇ ਦੂਜਾ  ਇਸਲਾਮਾਬਾਦ  ਦੇ ਕਰੀਬ ਅਟਕ ਦੇ ਇਲਾਕੇ ਵਿੱਚ ਅਫ਼ਗਾਨਿਸਤਾਨ ਵਿੱਚ ਮੋਜੂਦ ਅੰਤਰਰਾਸ਼ਟਰੀ  ਸੈਨਾ  ਦੇ ਲਈ  ਸਮਾਨ ਲਿਜਾ ਰਹੇ  ਵਾਹਨਾਂ ਉਪਰ  ਹਮਲਾ ਹੋਇਆ ਜਿਸ ਵਿੱਚ ਚਾਰ ਪੁਲੀਸ ਕਰਮੀ ਮਾਰੇ ਗਏ ਸਨ  । ਇਹ ਦੇਰ ਰਾਤ ਦੀਆਂ ਘਟਨਾਵਾਂ ਹਨ ।
ਲਗਭਗ  ਇੱਕ ਦਹਾਕੇ  ਤੱਕ ਅਮਰੀਕਾ ਨੂੰ  ਚਕਮਾ  ਦੇਣ  ਵਾਲੇ ਲਾਦੇਨ ਨੂੰ ਪਿਛਲੇ ਸਾਲ ਪਾਕਿਸਤਾਨ ਵਿੱਚ ਮਾਰਿਆ ਗਿਆ ।
ਇਸ  ਦੌਰਾਨ  ਇਹ ਖ਼ਬਰ ਮਿਲੀ ਕਿ ਐਬਟਾਬਾਦ ਵਿੱਚ ਬਿਲਾਲ  ਟਾਊਨ ਦੇ ਇਲਾਕੇ ਵਿੱਚ ਪਾਕਿਸਤਾਨੀ ਸੈਨਾ ਦੇ  ਅਭਿਆਸ ਕੇਂਦਰ  ਦੇ ਕਰੀਬ  ਇੱਕ ਹੈਲੀਕਾਪਟਰ ਡਿੱਗ ਕੇ ਤਬਾਹ ਹੋ ਗਿਆ ਹੈ।
ਉਸ ਘਟਨਾ ਵੱਲ ਧਿਆਨ ਜਿ਼ਆਦਾ ਗਿਆ ਅਤੇ  ਉਹ ਇੱਕ ਅਜੀਬ ਖ਼ਬਰ  ਸੀ ਕਿਉਂਕਿ ਪਾਕਿਸਤਾਨ ਦੇ ਸੈਨਿਕ ਹੈਲੀਕਾਪਟਰ ਰਾਤ ਨੂੰ  ਉਡਾਣ  ਭਰਨ ਦੀ ਸਮਰੱਥਾ ਨਹੀਂ ਰੱਖਦੇ ।
ਬਿਨਾ ਸਮਾਂ ਖਰਾਬ ਕੀਤੇ ਐਬਟਾਬਾਦ ਸ਼ਹਿਰ ਵਿੱਚ ਪੁਲੀਸ ਕੰਟਰੋਲ  ਰੂਮ ਵਿੱਚ  ਟੈਲੀਫੋਨ ਉਪਰ ਸੰਪਰਕ ਕੀਤਾ  ਉੱਥੋ ਮੌਜੂਦ ਪੁਲੀਸ ਕਰਮੀਆਂ ਨੂੰ ਇਸ ਘਟਨਾ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ ।ਪਰ ਉਨਾਂ  ਹੈਲੀਕਾਪਟਰ ਡਿੱਗਣ ਦੀ ਪੁਸ਼ਟੀ ਕੀਤੀ ਅਤੇ ਦੱਸਿਆ ਕਿ ਇਲਾਕੇ ਵਿੱਚ ਗੋਲੀਬਾਰੀ ਅਤੇ ਧਮਾਕੇ  ਦੀ ਆਵਾਜ਼ ਵੀ ਆਈ ਹੈ। ਉਹਨਾ ਇਹ ਵੀ ਦੱਸਿਆ ਕਿ ਪਾਕਿਸਤਾਨੀ ਸੈਨਾ ਨੇ ਇਲਾਕੇ ਨੂੰ ਘੇਰ ਲਿਆ ਅਤੇ  ਸਥਾਨਕ ਪੁਲੀਸ ਅਤੇ ਪ੍ਰਸ਼ਾਸਨ ਨੂੰ ਘਟਨਾਸਥਾਨ ਤੇ ਜਾਣ ਦੀ ਆਗਿਆ ਨਹੀਂ ਦਿੱਤੀ ।
ਉਸ ਰਾਤ ਪਾਕਿਸਤਾਨੀ ਸੈਨਾ ਦੇ ਬੁਲਾਰੇ ਨੂੰ ਉਸਦੇ ਮੋਬਾਈਲ ਫੋਨ ਤੇ ਸੰਪਰਕ ਕਰਨ ਦੀ ਕੋਸਿ਼ਸ਼ ਕੀਤੀ  ਪਰ ਉਹਨਾ ਨੇ ਫੋਨ   ਨਾ ਚੁੱਕਿਆ ।
ਐਬਟਾਬਾਦ ਦੇ ਇੱਕ ਸਥਾਨਕ ਪੱਤਰਕਾਰ   ਨਾਲ ਸੰਪਰਕ ਹੋਇਆ ਤਾਂ ਉਸਨੇ ਦੱਸਿਆ ਕਿ   ਉਹਨਾਂ ਨੂੰ ਨਾ ਕੋਈ ਤਸਵੀਰਾਂ  ਖਿੱਚਣ ਦੀ ਆਗਿਆ ਦਿੱਤੀ   ਅਤੇ ਨਾ   ਹੀ ਘਟਨਾ ਸਥਾਨ ਦੇ ਕੋਲ ਜਾਣ ਦਿੱਤਾ । ਫੌਜ ਨੇ ਪੂਰੇ ਇਲਾਕੇ ਨੂੰ  ਘੇਰ ਲਿਆ   ਅਤੇ ਸੈਨਿਕ ਅਧਿਕਾਰੀ  ਘਟਨਾਸਥਾਨ ਤੇ ਪਹੁੰਚੇ ਅਤੇ ਫੌਜੀ ਗੱਡੀਆਂ  ਵੀ  ਨੂੰ ਉੱਥੇ ਜਾਂਦੇ ਦੇਖਿਆ ਗਿਆ । ਇਸ ਇਲਾਕੇ ਵਿੱਚ ਪਹਿਲੀ ਵਾਰ ਵਿਆਪਕ ਪੱਧਰ ਤੇ  ਫੌਜੀ ਗਤੀਵਿਧੀਆਂ ਨਜ਼ਰ ਆਈਆਂ ਅਤੇ  ਇਸ ਸਬੰਧੀ ਕਿਸੇ ਨੂੰ ਵੀ ਖ਼ਬਰ ਨਾ  ਦਿੱਤੀ । ਮੈਨੂੰ ਟੁਕੜਿਆਂ ਵਿੱਚ ਜਾਣਕਾਰੀ ਮਿਲਦੀ ਰਹੀ  ਅਤੇ ਉਹ ਖ਼ਬਰਾਂ ਮੈਂ ਤੁਰੰਤ ਲੰਦਨ ਡੈਸਕ ਨੂੰ  ਪਹੁੰਚਾ ਰਿਹਾ ਸੀ ।
ਉਹ ਬਹੁਤ ਜਿ਼ਆਦਾ ਮੁਸ਼ਕਿਲ ਸਥਿਤੀ ਸੀ  ਕਿਉਂਕਿ ਆਧੁਨਿਕ ਦੁਨੀਆ ਵਿੱਚ ਖ਼ਬਰ ਮਿਲਣਾ ਆਸਾਨ ਹੈ ਪਰ ਉਸ  ਰਾਤ ਕੁਝ ਵੀ ਨਹੀਂ ਮਿਲ ਰਿਹਾ ਸੀ ।
ਪਾਕਿਸਤਾਨੀ ਫੌਜ ਅਤੇ ਸਰਕਾਰ ਨੇ ਇਸ ਘਟਨਾ ਨੂੰ ਲੈ ਕੇ ਮੋਨ ਧਾਰ  ਲਿਆ ਸੀ ।   ਮੇਰੀ ਲਗਾਤਾਰ  ਇਹ ਕੋਸਿ਼ਸ਼ ਰਹੀ ਕਿ ਕਿਸੇ ਤਰ੍ਹਾਂ   ਕਿਸੇ ਅਜਿਹੇ ਵਿਅਕਤੀ ਨਾਲ ਸੰਪਰਕ ਕੀਤਾ ਜਾਵੇ ਜੋ ਸਾਰੀ ਘਟਨਾ ਦੀ ਜਾਣਕਾਰੀ ਦੇ ਸਕੇ ।
ਉਸ ਦੌਰਾਨ ਇੱਕ ਅਜਿਹੇ ਵਿਅਕਤੀ ਨਾਲ ਸੰਪਰਕ ਹੋਇਆ ਜੋ  ਘਟਨਾ ਸਥਾਨ ਉਪਰ ਗਿਆ ਅਤੇ ਉਸਨੇ ਹੈਲੀਕਾਪਟਰ ਦੇ ਟੁਕੜੇ ਵੀ  ਉਠਾਏ ਸਨ ਜਿਹੜਾ ਤਬਾਹ ਹੋ ਗਿਆ ਸੀ ।
ਉਸ ਪ੍ਰਤੱਖ  ਦਰਸੀ ਨੇ ਦੱਸਿਆ ਕਿ  ਇਹ ਪੂਰੀ ਕਾਰਵਾਈ ਇੱਕ ਘਰ ਉਪਰ ਕੇਂਦਰਿਤ ਸੀ ਅਤੇ ਉਸਨੇ ਦੋ ਹੈਲੀਕਾਪਟਰਾਂ ਨੂੰ ਆਸਮਾਨ ਵਿੱਚ ਉਡਦੇ ਦੇਖਿਆ । ਜਿਹਨਾਂ ਵਿੱਚੋਂ ਇੱਕ ਡਿੱਗ ਕੇ ਤਬਾਹ ਹੋ ਗਿਆ ਸੀ  ਅਤੇ ਬਾਅਦ ਵਿੱਚ ਉਸਨੂੰ ਅੱਗ ਲੱਗੀ ਗਈ । ਉਸਨੇ ਹੀ ਕਿਹਾ ਸੀ ਕਿ  ਬਣਤਰ ਤੋਂ ਇਹ ਅਮਰੀਕੀ ਹੈਲੀਕਾਪਟਰ ਲੱਗਦਾ ਸੀ ।
ਉਸਦੇ ਮੁਤਾਬਿਕ  ਜਦੋਂ ਕਾਰਵਾਈ ਹੋ  ਰਹੀ ਸੀ ਤਾਂ ਘਰ ਵਿੱਚ ਬੱਚੇ ਅਤੇ ਔਰਤਾਂ ਵੀ ਮੌਜੂਦ ਸਨ  ਅਤੇ ਉਹਨਾਂ ਨੇ  ਬੱਚਿਆਂ ਦੀਆਂ ਚੀਕਾਂ ਸੁਣੀਆਂ । ਇਸ ਖ਼ਬਰ ਦਾ ਪਿੱਛਾ ਕਰਦੇ ਕਰਦੇ  ਸੁਬਹ ਹੋ ਚੁੱਕੀ ਸੀ   ਅਤੇ ਇਸ ਦੌਰਾਨ ਹੀ ਸੂਚਨਾ ਮਿਲੀ ਕਿ  ਅਮਰੀਕੀ ਰਾਸ਼ਟਰਪਤੀ ਨੇ   ਬਰਾਕ ਓਬਾਮਾ ਨੇ ਓਸਾਮਾ ਬਿਨ ਲਾਦੇਨ ਦੇ ਮਾਰੇ ਜਾਣ ਬਾਰੇ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਨ ਵਾਲੇ ਹਨ ।
ਇਸ ਮਗਰੋਂ  ਅਮਰੀਕੀ ਰਾਸ਼ਟਰਪਤੀ ਟੀਵੀ ਆਏ ਅਤੇ ਉਹਨਾਂ ਨੇ ਐਬਟਾਬਾਦ ਵਿੱਚ ਅਮਰੀਕੀ ਸੈਨਿਕਾਂ ਦੀ ਕਾਰਵਾਈ ਵਿੱਚ   ਲਾਦੇਨ ਦੇ ਮਾਰੇ ਜਾਣ ਦਾ ਐਲਾਨ ਕੀਤਾ ।”
ਅਮਰੀਕੀ ਮਿਸ਼ਨ ਵਿੱਚ   ਲਾਦੇਨ ਦੇ ਮਾਰੇ ਜਾਣ  ਦੇ ਬਾਅਦ  ਪਾਕਿਸਤਾਨ ਦੀ  ਫੌਜੀ ਸਮਰੱਥਾ ਉਪਰ ਦੇਸ਼ ਵਿੱਚ ਕਈ ਸਵਾਲ    ਖੜੇ ਹੋਏ ।
ਲਾਦੇਨ  ਦੇ ਪਰਿਵਾਰ ਨੂੰ ਪਿਛਲੇ ਹਫ਼ਤੇ ਹੀ ਪਾਕਿਸਤਾਨ ਵਿੱਚੋਂ ਸਾਊਦੀ ਅਰਬ ਭੇਜਿਆ ਗਿਆ ਹੈ।

 
ਮੈਨਹਟਨ (ਨਿਊਯਾਰਕ), 1 ਮਈ
ਇੱਥੋਂ ਦੀ ਇਕ ਅਦਾਲਤ ਵੱਲੋਂ ਕਾਂਗਰਸ ਆਗੂ ਕਮਲ ਨਾਥ ਅਤੇ ਹੋਰਨਾ ਖ਼ਿਲਾਫ਼ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਦੇ ਕੇਸ ‘ਚ ਸੁਣਵਾਈਸ਼ੁਰੂ ਕੀਤੀ ਜਾ ਰਹੀ ਹੈ। ਸਿੱਖਾਂ ਦੇ ਇਕ ਪੈਰਵੀ ਗਰੁੱਪ ਨੇ ਕਾਂਗਰਸ ਪਾਰਟੀ ਵੱਲੋਂ ਆਪਣੇ ਖ਼ਿਲਾਫ਼ ਲੱਗੇ ਦੋਸ਼ਾਂ ਤੋਂ ਬਚਾਅ ਕਰਨ ਲਈਪੇਸ਼ ਨਾ ਹੋਣ ‘ਤੇ ਇਕਤਰਫਾ ਤੌਰ ‘ਤੇ ਫੈਸਲੇ (ਡਿਫਾਲਟ ਜੱਜਮੈਂਟ) ਦੀ ਮੰਗ ਕੀਤੀ ਸੀ।
‘ਦਿ ਹਿੰਦੂ’ ਅਖ਼ਬਾਰ ਵਿਚ ਛਪੀ ਇਕ ਰਿਪੋਰਟ ਅਨੁਸਾਰ ਕਾਂਗਰਸ ਪਾਰਟੀ ਨੇ ਇਕਤਰਫਾ ਫੈਸਲੇ ਦੀ ਮੰਗ ਦਾ ਵਿਰੋਧ  ਕੀਤਾ ਹੈ।ਅਮਰੀਕੀ ਅਦਾਲਤ ਵਿਚ ਪਾਰਟੀ ਦੀ ਪੈਰਵੀ ਕਰਨ ਵਾਲੀ ਕੌਮਾਂਤਰੀ ਲਾਅ ਫਰਮ ‘ਜੋਨਜ਼ ਡੇਅ’ ਦੇ ਵਕੀਲਾਂ ਨੇ 1984 ਦੇ ਦੰਗਿਆਂਸਬੰਧੀ ਸਿਆਸੀ ਪਾਰਟੀ ਖ਼ਿਲਾਫ਼ ਡਿਫਾਲਟ ਜੱਜਮੈਂਟ ਦਾ ਕੇਸ ਦਾਖਲ ਕਰਨ ਦਾ ਵਿਰੋਧ ਕਰਦਿਆਂ ਕਿਹਾ ਕਿ ਇਸ ਕੇਸ ਨਾਲ ਜਨਤਕਕੌਮਾਂਤਰੀ ਕਾਨੂੰਨ ਦੇ ਅਜਿਹੇ ਅਹਿਮ ਮੁੱਦੇ ਜੁੜੇ ਹੋਏ ਹਨ ਜੋ ਡਿਫਾਲਟ ਜੱਜਮੈਂਟ ਰਾਹੀਂ ਤੈਅ ਨਹੀਂ ਕੀਤੇ ਜਾ ਸਕਦੇ। ਭਾਰਤ ਦੇ ਸ਼ਹਿਰੀਵਿਕਾਸ ਮੰਤਰੀ ਕਮਲ ਨਾਥ ਅਤੇ ਕਾਂਗਰਸ ਪਾਰਟੀ ਦੇ ਕੁਝ ਹੋਰਨਾਂ ਆਗੂਆਂ ਖ਼ਿਲਾਫ਼ ਦਾਇਰ ਕੀਤੇ ਕੇਸ ਦੀ ਸੁਣਵਾਈ ਜੱਜ ਰਾਬਰਟਸਵੀਟ ਵੱਲੋਂ ਕੀਤੀ ਜਾਵੇਗੀ। ਸ੍ਰੀ ਨਾਥ ਨੇ ਆਪਣੇ ਖ਼ਿਲਾਫ਼ ਲਗਾਏ ਦੋਸ਼ਾਂ ਦਾ ਖੰਡਨ ਕੀਤਾ ਹੈ।
ਇਸ ਤੋਂ ਪਹਿਲਾਂ ਕਾਂਗਰਸ ਪਾਰਟੀ ਦੀ ਤਰਫੋਂ ਲਾਅ ਫਰਮ ਵੱਲੋਂ ਦਾਖਲ ਕੀਤੇ 32 ਸਫ਼ਿਆਂ ਦੇ ਜੁਆਬਦਾਵੇ ਵਿਚ ਕਿਹਾ ਗਿਆ ਹੈ ਕਿਨਵੰਬਰ 1984 ਦੇ ਦੰਗਿਆਂ ਨਾਲ ਜੁੜੀਆਂ ਸਾਰੀਆਂ ਘਟਨਾਵਾਂ ਭਾਰਤ ਵਿਚ ਹੋਈਆਂ ਸਨ ਅਤੇ ਅਮਰੀਕਾ ਵਿਚ ਇਸ ਕੇਸ ਪ੍ਰਤੀ ਕੋਈਜਨਤਕ ਰੁਚੀ ਨਹੀਂ ਹੈ। ਇਸ ਲਈ ਇਸ ਕੇਸ ਵਿਚ ਅਮਰੀਕੀ ਨਾਗਰਿਕਾਂ ‘ਤੇ ਜਿਊਰੀ ਬਿਠਾਉਣ ਦਾ ਫਰਜ਼ ਆਇਦ ਕਰਨਾ ਉਚਿਤਨਹੀਂ ਹੈ। ਜਵਾਬਦਾਵੇ ਮੁਤਾਬਕ ਕਾਂਗਰਸ ਪਾਰਟੀ ਖ਼ਿਲਾਫ਼ ਸਿੱਖਸ ਫਾਰ ਜਸਟਿਸ ਨਾਂ ਦੇ ਗਰੁੱਪ ਵੱਲੋਂ ਕਿਸੇ ਵਿਦੇਸ਼ੀ ਰਾਜਸੀ ਪਾਰਟੀਖ਼ਿਲਾਫ਼ 27 ਸਾਲ ਪਹਿਲਾਂ ਕਿਸੇ ਵਿਦੇਸ਼ੀ ਧਰਤੀ ‘ਤੇ ਹੋਈਆਂ ਕਥਿਤ ਘਟਨਾਵਾਂ ਸਬੰਧੀ ਕੇਸ ਦਾਇਰ ਕੀਤਾ ਗਿਆ ਹੈ।