Punjabi

ਦਰਸ਼ਨ ਸਿੰਘ ’ਦਰਸ਼ਕ’ ================================ ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਬਰੜਵਾਲ ਦੀ ਘਟਨਾ ਹੈ ਜਿਥੇ ਇਕ ਨਸ਼ੇੜੀ ਪੁੱਤਰ ਕੰਵਲਜੀਤ ਸਿੰਘ ਨੇ ਆਪਣੇ ਪਿਤਾ ਦੀ ਹੱਤਿਆ ਕੀਤੀ ਅਤੇ ਲਾਸ਼ ਨੂੰ 20 ਦਿਨ ਤੱਕਆਪਣੇ ਘਰ ਵਿਚ ਹੀ ਦੱਬੀ ਰੱਖਿਆ। ਸ਼ਾਇਦ ਇਸ ਮੌਤ ਦਾ ਪਤਾ ਹੀ ਨਾ ਲਗਦਾ ਜੇਕਰ ਉਹ ਥਾਣੇ ਗੁੰਮਸ਼ੁਦਗੀ ਦੀ ਰਿਪੋਰਟ ਨਾ ਲਿਖਵਾਉਣ ਜਾਂਦਾ। ਪੁਲਿਸ ਨੇਜਦੋਂ ਸ਼ੱਕ ਵਜੋਂ ਪੁੱਤਰ ਤੋਂ ਤਹਿਕੀਕਾਤ ਕੀਤੀ ਤਾਂ ਸੱਚ ਸਾਹਮਣੇ ਆ ਗਿਆ। ਪਿਓ ਨੇ ਇਸ ਕਰਕੇ ਆਪਣੇ ਪੋਤੇ ਦੇ ਨਾਂ ਜ਼ਮੀਨ ਕਰਵਾ ਦਿੱਤੀ ਸੀ ਕਿਉਂਕਿ ਉਸ ਨੂੰਲਗਦਾ ਸੀ ਕਿ ਉਸ ਦਾ ਨਸ਼ੇੜੀ ਪੁੱਤਰ ਨਸ਼ਿਆਂ ਦੀ ਖਾਤਰ ਸਾਰੀ ਜ਼ਮੀਨ ਨਾ ਵੇਚ ਦੇਵੇ। ਪੁੱਤਰ ਨੂੰ ਇਹ ਗੱਲ ਚੰਗੀ ਨਹੀਂ ਲੱਗੀ ਕਿਉਂਕਿ ਪਿਤਾ ਦੀ ਇਹਕਾਰਵਾਈ ਉਸ ਦੇ ਐਸ਼ੋ ਇਸ਼ਰਤ ਵਾਲੇ ਜੀਵਨ ਵਿਚ ਰੁਕਾਵਟ ਬਣ ਗਈ ਸੀ ਅਤੇ ਉਸ ਨੇ ਆਪਣੇ ਪਿਓ ਨੂੰ ਹੀ ਰਾਹ ਵਿਚੋਂ ਹਟਾ ਦਿੱਤਾ। ਅਜਿਹੀ ਇਕ ਹੋਰ ਘਟਨਾ ਇਕ ਹਫ਼ਤਾ ਪਹਿਲਾਂ ਸੰਗਰੂਰ ਵਿਖੇ ਹੀ ਵਾਪਰੀ ਜਿਥੇ ਜਸਵੰਤ ਸਿੰਘ ਸੋਹੀ ਨਾਮਕ ਵਕੀਲ ਦਾ ਸਿਰਫ਼ ਇੰਨਾ ਕੁ ਕਸੂਰ ਸੀ ਕਿ ਉਸ ਨੇਆਪਣੇ ਵਿਗੜੇ ਹੋਏ ਪੁੱਤਰ ਨੂੰ ਇਹ ਪੁੱਛਣ ਦੀ ਹਿਮਾਕਤ ਕਰ ਲਈ ਕਿ ਉਹ ਪੜ੍ਹਾਈ ਵੱਲ ਕਿਉਂ ਧਿਆਨ ਨਹੀਂ ਦੇ ਰਿਹਾ। ਪੁੱਤਰ ਅਮਨਦੀਪ ਸਿੰਘ ਸੋਹੀਫਤਹਿਗੜ੍ਹ ਸਾਹਿਬ ਵਿਖੇ ਇੰਜੀਨੀਅਰਿੰਗ ਕਰ ਰਿਹਾ ਸੀ। ਪਿਤਾ ਨੂੰ ਇਸ ਗੱਲ ’ਤੇ ਇਤਰਾਜ਼ ਸੀ ਕਿ ਪੁੱਤਰ ਸਹੀ ਢੰਗ ਨਾਲ ਪੜ੍ਹਾਈ ਨਹੀਂ ਕਰ ਰਿਹਾ। ਪੁੱਤਰਮਾੜੀ ਸੰਗਤ ਵਿਚ ਫਸਦਾ ਜਾ ਰਿਹਾ ਸੀ। ਨਸ਼ੇ ਕਰਦਾ ਸੀ। ਪੁੱਤਰ ਦਾ ਮਾੜੀ ਸੰਗਤ ਵਿਚ ਫਸਣਾ ਕਿਸੇ ਵੀ ਪਿਓ ਨੂੰ ਚੰਗਾ ਨਹੀਂ ਲਗਦਾ। ਹਰ ਕੋਈ ਆਪਣੇਪੁੱਤਰ ਨੂੰ ਵਰਜਦਾ ਹੈ। ਅਜਿਹਾ ਹੀ ਐਡਵੋਕੇਟ ਸੋਹੀ ਨੇ ਕੀਤਾ। ਫਿਰ ਕੀ ਸੀ। ਪੁੱਤਰ ਨੇ ਤੇਜ਼ਧਾਰ ਹਥਿਆਰਾਂ ਨਾਲ ਪਿਓ ਦਾ ਕਤਲ ਕਰ ਦਿੱਤਾ। ਕੁਝ ਮਹੀਨੇ ਪਹਿਲਾਂ ਪਟਿਆਲਾ ਜ਼ਿਲ੍ਹੇ ਦੇ ਕਸਬਾ ਨਾਭਾ ਵਿਖੇ ਨਸ਼ੇ ਦੇ ਆਦੀ ਇਕ ਪੁੱਤਰ ਨੇ ਇਕ ਸਵੇਰ ਆਪਣੇ ਪਰਿਵਾਰ ਦੇ ਇਕ ਅੱਧੇ ਜੀਆਂ ਨੂੰ ਨਹੀਂ ਬਲਕਿਚਾਰ ਜੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਇਥੇ ਵੀ ਘਟਨਾ ਇਸੇ ਪ੍ਰਕਾਰ ਦੀ ਹੈ। ਪੁੱਤਰ ਨਸ਼ਿਆਂ ਦਾ ਆਦੀ ਹੋ ਗਿਆ ਸੀ। ਇਸ ਲਈ ਉਹ ਲਗਾਤਾਰ ਪਿਓ ਤੋਂਪੈਸਿਆਂ ਦੀ ਮੰਗ ਕਰਦਾ ਰਹਿੰਦਾ ਸੀ। ਜਦੋਂ ਪਿਓ ਨੇ ਨਾਂਹ ਕਰ ਦਿੱਤੀ ਤਾਂ ਪੁੱਤਰ ਨੇ ਪਿਸਤੌਲ ਨਾਲ ਪਹਿਲਾਂ ਪਿਓ ਦਾ ਕਤਲ ਕੀਤਾ ਫਿਰ ਉਸ ਮਾਂ ਨੂੰ ਗੋਲੀਆਂਨਾਲ ਭੁੰਨ ਦਿੱਤਾ ਜਿਸ ਦੀ ਕੁੱਖੋਂ ਉਹ ਜੰਮਿਆ ਸੀ, ਫਿਰ ਦਾਦਾ ਜੀ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ, ਜਿਨ੍ਹਾਂ ਦੀ ਗੋਦੀ ਵਿਚ ਬੈਠ ਕੇ ਉਹ ਬਾਤਾਂ ਸੁਣਦਾ ਸੀ ਅਤੇਅਖੀਰ ਵਿਚ ਉਸ ਭੈਣ ਨੂੰ ਵੀ ਮਾਰ ਦਿੱਤਾ ਜਿਸ ਦੀਆਂ ਬਾਹਾਂ ਹਮੇਸ਼ਾਂ ਹੀ ਭਰਾ ਦੀ ਸਲਾਮਤੀ ਲਈ ਦੁਆਵਾਂ ਕਰਦੀਆਂ ਸਨ। ਅਜਿਹੀਆਂ ਮੰਦਭਾਗੀਆਂ ਘਟਨਾਵਾਂਹੋਰ ਵੀ ਹਨ। ਇਹ ਵਾਰਦਾਤਾਂ ਦਰਸਾ ਰਹੀਆਂ ਹਨ ਕਿ ਅੱਜ ਰਿਸ਼ਤੇ ਕਿਸ ਪ੍ਰਕਾਰ ਤਾਰ-ਤਾਰ ਹੋ ਰਹੇ ਹਨ। ਕਿਸ ਪ੍ਰਕਾਰ ਨਸ਼ਿਆਂ ਦੀ ਖਾਤਰ ਇਹ ਨੌਜਵਾਨਆਪÎਣਿਆਂ ਦੀ ਜਾਨ ਲੈਣ ਲਈ ਵੀ ਤਿਆਰ ਹੋ ਜਾਂਦੇ ਹਨ। ਹੁਣ ਪੰਜਾਬ ਪਹਿਲਾਂ ਵਾਲਾ ਪੰਜਾਬ ਨਹੀਂ ਰਿਹਾ। ਨੌਜਵਾਨ ਵੀ ਪਹਿਲਾਂ ਵਾਲੇ ਨੌਜਵਾਨ ਨਹੀਂ ਰਹੇ। ਇਥੇ ਹਰ ਮਾਂ-ਪਿਓ ਜਿੱਥੇ ਆਪਣੇ ਪੁੱਤਰ ਦੇ ਭਵਿੱਖ ਲਈਚਿੰਤਤ ਰਹਿੰਦੇ ਹਨ ਉਥੇ ਹੀ ਸਭ ਤੋਂ ਵੱਡਾ ਡਰ ਇਹ ਰਹਿੰਦਾ ਹੈ ਕਿ ਕਿਧਰੇ ਉਨ੍ਹਾਂ ਦਾ ਬੱਚਾ ਨਸ਼ਿਆਂ ਦੇ ਮੱਕੜਜਾਲ ਵਿਚ ਫਸ ਜਾਵੇ। ਇਕ ਸਮਾਂ ਸੀ ਕਿ ਪੰਜਾਬ ਅੰਦਰ ਸਭ ਤੋਂ ਵੱਡਾ ਨਸ਼ਾ ਸ਼ਰਾਬ ਹੁੰਦੀ ਸੀ ਪਰ ਹੁਣ ਇਹ ਵੱਡਾ ਨਸ਼ਾ ਨਹੀਂ ਰਹਿ ਗਿਆ। ਹੁਣ ਇੱਥੇ ਚਰਸ, ਬਰਾਊਨ ਸ਼ੂਗਰ,ਕੋਕੀਨ,ਹੈਰੋਇਨ ਆਮ ਮਿਲ ਜਾਂਦੇ ਹਨ। ਯੂਨੀਵਰਸਿਟੀਆਂ ਜਾਂ ਕਾਲਜਾਂ ਦੀ ਗੱਲ ਛੱਡੋ ਸਕੂਲਾਂ ਵਿਚ ਵੀ ਇਹ ਨਸ਼ੇ ਆਮ ਵਿਕਦੇ ਹਨ ਅਤੇ ਨਵੀਂ ਪੀੜ੍ਹੀ ਇਨ੍ਹਾਂਨਸ਼ਿਆਂ ਦੀ ਆਦੀ ਹੋ ਰਹੀ ਹੈ। ਸਿਰਫ ਇੱਥੇ ਹੀ ਬੱਸ ਨਹੀਂ, ਨਵੀਂ ਪੀੜ੍ਹੀ ਵੱਲੋਂ ਨਸ਼ੇ ਅਜਿਹੇ ਵੀ ਕੀਤੇ ਜਾ ਰਹੇ ਹਨ ਜੇਕਰ ਤੁਸੀਂ ਸੁਣੋਗੇ ਤਾਂ ਬਹੁਤ ਹੈਰਾਨ ਹੋਵੋਗੇ।ਬੂਟ ਪਾਲਿਸ਼ ਤੋਂ ਲੈ ਕੇ ਆਇਓਡੈਕਸ ਤੱਕ ਨਸ਼ਿਆਂ ਲਈ ਵਰਤੀ ਜਾਂਦੀ ਹੈ। ਹੋਰ ਤਾਂ ਹੋਰ ਅੱਖਰ ਮਿਟਾਉਣ ਲਈ ਵਰਤਿਆ ਜਾਂਦਾ ਫਲੂਡ ਵੀ ਨਸ਼ਿਆਂ ਲਈਵਰਤਿਆ ਜਾ ਰਿਹਾ ਹੈ। ਖੰਘ ਦੀ ਦਵਾਈ ਵਿਚ ਕੁਝ ਅਲਕੋਹਲ ਹੁੰਦੀ ਹੈ, ਇਸ ਲਈ ਨਸ਼ੇੜੀ ਉਸ ਨੂੰ ਲੈਣ ਲਈ ਕੈਮਿਸਟ ਦੀਆਂ ਦੁਕਾਨਾਂ ’ਤੇ ਖੜ੍ਹੇ ਮਿਲਣਗੇ। ਇਨ੍ਹਾਂ ਨਸ਼ਿਆਂ ਅਤੇ ਅਪਰਾਧਾਂ ਲਈ ਸਿਰਫ ਨਵੀਂ ਪੀੜ੍ਹੀ ਨੂੰ ਦੋਸ਼ੀ ਨਹੀਂ ਠਹਿਰਾਇਆ ਜਾ ਸਕਦਾ। ਅਸਲ ਵਿਚ ਸਾਡੇ ਸਮਾਜ ਦਾ ਢਾਂਚਾ ਕੁਝ ਇਸ ਤਰ੍ਹਾਂ ਦਾਬਣਦਾ ਜਾ ਰਿਹਾ ਹੈ ਜਿੱਥੇ ਪਰਿਵਾਰਾਂ ਵਿਚ ਇਕ ਦੂਜੇ ਨਾਲੋਂ ਪਿਆਰ ਬਹੁਤ ਘਟਦਾ ਜਾ ਰਿਹਾ ਹੈ ਅਤੇ ਬੇਭਰੋਸਗੀ ਬਹੁਤ ਜ਼ਿਆਦਾ ਵਧਦੀ ਜਾ ਰਹੀ ਹੈ। ਅੱਗੇਵਧਣ ਦੀ ਦੌੜ ਵਿਚ ਅਸੀਂ ਇਹ ਭੁੱਲਦੇ ਜਾ ਰਹੇ ਹਾਂ ਕਿ ਅਸਲ ਵਿਚ ਸਾਡੀਆਂ ਪਰਿਵਾਰ ਪ੍ਰਤੀ ਕੀ ਜ਼ਿੰਮੇਵਾਰੀਆਂ ਹਨ। ਅਸੀਂ ਸਮਝਦੇ ਹਾਂ ਕਿ ਬੱਚਿਆਂ ਨੂੰਵਧੀਆ ਪੜ੍ਹਾਈ ਲਈ ਸਕੂਲਾਂ ਜਾਂ ਕਾਲਜਾਂ ਵਿਚ ਭੇਜ ਦੇਣ ਨਾਲ ਸਾਡੀ ਜ਼ਿੰਮੇਵਾਰੀ ਮੁੱਕ ਜਾਂਦੀ ਹੈ, ਪਰ ਅਸੀਂ ਜੋ ਪਰਿਵਾਰਾਂ ਵਿਚ ਕਲੇਸ਼ ਖੜ੍ਹੇ ਰੱਖਦੇ ਹਾਂ ਉਸ ਦਾਬੱਚਿਆਂ ’ਤੇ ਕੀ ਪ੍ਰਭਾਵ ਪੈਂਦਾ ਹੈ, ਉਸ ਬਾਰੇ ਕੋਈ ਨਹੀਂ ਸੋਚਦਾ। ਅਸੀਂ ਬੱਚਿਆਂ ਨੂੰ ਕੋਈ ਨਿਸ਼ਾਨਾ ਮਿੱਥ ਕੇ ਨਹੀਂ ਦੇ ਰਹੇ ਅਤੇ ਨਾ ਹੀ ਉਨ੍ਹਾਂ ਨੂੰ ਨਿਸ਼ਾਨਾ ਹਾਸਲਕਰਨ ਵਿਚ ਮਦਦ ਕਰ ਰਹੇ ਹਾਂ। ਅਸੀਂ ਬੱਚਿਆਂ ਨੂੰ ਦੋਸ਼ ਨਹੀਂ ਦੇ ਰਹੇ। ਥਾਣੇਦਾਰੀ ਵੀ ਨੁਕਸਾਨਦੇਹ ਸਾਬਤ ਹੁੰਦੀ ਹੈ। ਇਹੀ ਕਾਰਨ ਹੈ ਕਿ ਸਮਾਜ ਅੰਦਰਪਰਿਵਾਰਾਂ ਵਿਚ ਵੱਡੀ ਟੁੱਟ ਭੱਜ ਵਧਦੀ ਜਾ ਰਹੀ ਹੈ। ਸਾਡਾ ਨਵਾਂ ਸਮਾਜ ਨੈਤਿਕ ਕਦਰਾਂ ਕੀਮਤਾਂ ਤੋਂ ਵਾਂਝਾ ਹੁੰਦਾ ਜਾ ਰਿਹਾ ਹੈ। ਇਸੇ ਕਾਰਨ ਅਸੀਂ ਉਨ੍ਹਾਂਹਾਲਤਾਂ ਦਾ ਸਾਹਮਣਾ ਕਰ ਰਹੇ ਹਾਂ ਜਿਨ੍ਹਾਂ ਬਾਰੇ ਅਸੀਂ ਕਦੇ ਸੋਚਿਆ ਵੀ ਨਹੀਂ ਸੀ।

26/11 ਮਗਰੋਂ ਕਾਂਗਰਸ ਨੇ ਕੀਤੀ ਧਰਮ ਅਧਾਰਤ ਸਿਆਸਤ ਵਾਸ਼ਿੰਗਟਨ, ਵਿਕੀਲੀਕਸ ’ਤੇ ਜਾਰੀ ਅਮਰੀਕਾ ਦੇ ਇਕ ਗੁਪਤ ਦਸਤਾਵੇਜ਼ ਵਿਚ ਘੱਟ ਵਿਣਤੀ ਮਾਮਲਿਆਂ ਦੇਸਾਬਕਾ ਮੰਤਰੀ ਏ.ਆਰ. ਅੰਤੁਲੇ ਦੇ ਵਿਵਾਦਗ੍ਰਸਤ ਬਿਆਨ ਦਾ ਹਵਾਲਾ ਦਿੰਦਿਆਂ ਕਿਹਾ ਗਿਆ ਹੈ ਕਿ ਮੁੰਬਈ ਹਮਲੇ ਤੋਂ ਬਾਅਦ ਕਾਂਗਰਸ ਪਾਰਟੀ ਇਕ ਧਰਮਅਧਾਰਤ ਸਿਆਸਤ ਕਰਦੇ ਨਜ਼ਰ ਆਈ। ਇਹ ਦਸਤਾਵੇਜ਼ 23 ਦਸੰਬਰ 08 ਨੂੰ ਨਵੀਂ ਦਿੱਲੀ ਵਿਚ ਤਤਕਾਲੀ ਅਮਰੀਕੀ ਰਾਜਦੂਤ ਡੇਵਿਡ ਮੈਲਫੋਰਡ ਨੇ ਆਪਣੇਦੇਸ਼ ਦੇ ਵਿਦੇਸ਼ ਵਿਭਾਗ ਨੂੰ ਭੇਜਿਆ ਸੀ। ਦਸਤਾਵੇਜ਼ ਵਿਚ ਮੈਲਫੋਰਡ ਨੇ ਕਿਹਾ ਕਿ ਅੰਤੁਲੇ ਦੇ ਬਿਆਨ ਤੋਂ ਖੁਦ ਨੂੰ ਵੱਖ ਕਰਨ ਦੇ ਦੋ ਦਿਨ ਬਾਅਦ ਹੀ ਕਾਂਗਰਸ ਨੇਇਕ ਵਿਵਾਦਗ੍ਰਸਤ ਬਿਆਨ ਜਾਰੀ ਕੀਤਾ ਜਿਸ ਨਾਲ ਸਾਜਿਸ਼ ਦੇ ਬਾਰੇ ਸ਼ੱਕ ਨੂੰ ਬਲ ਮਿਲਿਆ। ਉਸ ਸਮੇਂ ਅੰਤੁਲੇ ਨੂੰ ਪੂਰੀ ਤਰ੍ਹਾਂ ਨਾਲ ਬੇਬੁਨਿਆਦ ਦਾਅਵਿਆਂ ਨੂੰਭਾਰਤੀ ਮੁਸਲਿਮ ਸਮਾਜ ਵਲੋਂ ਵੀ ਸਮਰਥਨ ਮਿਲਿਆ। ਮੈਲਫੋਰਡ ਨੇ ਲਿਖਿਆ ਕਿ ਜਾਪਦਾ ਹੈ ਕਿ ਅਗਾਮੀ ਚੋਣਾਂ ਵਿਚ ਲਾਭ ਉਠਾਉਣ ਲਈ ਕਾਂਗਰਸ ਪਾਰਟੀ ਨੇਅੰਤੁਲੇ ਦੇ ਬਿਆਨ ਨੂੰ ਖਾਰਜ ਕਰਨ ਦੇ ਆਪਣੇ ਰਵੱਈਏ ਤੋਂ ਪੱਲਾ ਝਾੜ ਲਿਆ ਅਤੇ ਖੁਦ ਇਸ ਸਾਜਿਸ਼ ਨੂੰ ਲੈ ਕੇ ਵੀ ਸਵਾਲ ਖੜ੍ਹੇ ਕਰ ਦਿੱਤੇ।