ਨੈਸ਼ਨਲ ੧੯੮੪ ਵਿਕਟਿਮਸ ਜਸਟਿਸ ਐਂਡ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਅਤੇ ਬਚਨ ਦੇ ‘ਖੂਨ ਬਦਲੇ ਖੂਨ’ ਦਾ ਨਾਅਰਾ ਲਗਾਉਂਦੇ ਦੇ ਗਵਾਹ ਬਾਬੂ ਸਿੰਘ ਦੁਖੀਆ ਨੇ ਕਿਹਾ ਕਿ ਬਚਨ ਖੁਲ੍ਹੇਆਮ ਇੰਦਰਾ ਗਾਂਧੀ ਨੂੰ ਮਾਂ ਬੁਲਾਇਆ ਕਰਦੇ ਸੀ ਤੇ ਉਸ ਦੀ ਮੌਤ ਤੋਂ ਬਾਅਦ ਸਿੱਖਾਂ ਦਾ ਕਤਲ ਕਰਨ ਲਈ ਭੜਕਾਉਣ ਵਾਸਤੇ ਬਚਨ ਨੇ ਆਪਣੇ ਸੁਪਰ ਸਟਾਰ ਦੇ ਰੁਤਬੇ ਦਾ ਇਸਤੇਮਾਲ ਕੀਤਾ ਸੀ। ਦੁਖੀਆ ਨੇ ਕਿਹਾ ਕਿ ਉਸ ਦੀ ਕਾਂਗਰਸ ਨਾਲ ਨੇੜਤਾ ਦੇ ਕਾਰਨ ਹੀ ਬਚਨ ਦੀ ੧੯੮੪ ਨਸਲਕੁਸ਼ੀ ਵਿਚ ਭੂਮਿਕਾ ਦੀ ਕਦੀ ਜਾਂਚ ਹੀ ਨਹੀਂ ਕੀਤੀ ਗਈ ਤੇ ਹੁਣ ਜਦੋਂ ਉਸ ਖਿਲਾਫ ਆਸਟਰੇਲੀਆ ਵਿਚ ਪੀੜਤØਾਂ ਵਲੋਂ ਅਪਰਾਧਕ ਸ਼ਿਕਾਇਤ ਦਰਜ ਕੀਤੀ ਗਈ ਹੈ ਤਾਂ ਬਚਨ ਨੇ ੨੭ ਸਾਲਾਂ ਵਿਚ ਪਹਿਲੀ ਵਾਰ ਬੇਕਸੂਰ ਹੋਣ ਦੀ ਮਜਬੂਰਨ ਦਲੀਲ ਦਿੱਤੀ ਹੈ।
ਨਵੰਬਰ ੧੯੮੪ ਵਿਚ ਸਿੱਖਾਂ ਦੇ ਕਤਲੇਆਮ ਲਈ ਬਚਨ ਨੇ ਕਿਸ ਤਰਾਂ ਭੜਕਾਇਆ ਸੀ ਇਸ ਗੱਲ ਦੀ ਗਵਾਹੀ ਨੇ ਉਸ ਦੇ ਬੇਕਸੂਰ ਹੋਣ ਦੇ ਦਾਅਵੇ ਨੂੰ ਰੱਦ ਕਰ ਦਿੱਤਾ ਹੈ ਤੇ ਪੀੜਤਾਂ ਦੇ ਦਾਅਵੇ ਨੂੰ ਜਾਇਜ਼ ਠਹਿਰਾਇਆ ਹੈ ਕਿ ਉਹ ਅਮਿਤਾਬ ਬਚਨ ਹੀ ਸੀ ਜਿਸ ਨੇ ‘ਖੂਨ ਦਾ ਬਦਲਾ ਖੂਨ’ ਦਾ ਨਾਅਰਾ ਲਗਾਇਆ ਸੀ ਜਿਸ ਨੂੰ ਦੂਰਦਰਸ਼ਨ ਤੇ ਆਲ ਇੰਡੀਆ ਰੇਡੀਓ ‘ਤੇ ਪ੍ਰਸਾਰਿਤ ਕੀਤਾ ਗਿਆ ਸੀ ਤੇ ਇਸ ਦੇ ਸਿੱਟੇ ਵਜੋਂ ਸਮੁੱਚੇ ਭਾਰਤ ਵਿਚ ਹਜ਼ਾਰਾਂ ਸਿੱਖਾਂ ਦਾ ਕਤਲ ਕੀਤਾ ਗਿਆ ਸੀ।
ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਪ੍ਰਧਾਨ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਕਿਹਾ ਕਿ ਬਚਨ ਦੇ ਖਿਲਾਫ ਅਪਰਾਧਕ ਸ਼ਿਕਾਇਤ ਪਹਿਲਾਂ ਹੀ ਪੈਂਡਿੰਗ ਪਈ ਹੈ। ਸਿੱਖਾਂ ਦਾ ਕਤਲ ਕਰਨ ਲਈ ਭੜਕਾਉਣ ਲਈ ਅਮਿਤਾਬ ਬਚਨ ਖਿਲਾਫ ਕਤਲ ਦੇ ਕੇਸ ਦਰਜ ਕਰਨ ਦੀ ਮੰਗ ਕਰਨ ਦੀ ਬਜਾਏ ਐਸ ਏ ਡੀ (ਬਾਦਲ) ਦੇ ਕੰਟਰੋਲ ਵਾਲੀ ਐਸ ਜੀ ਪੀ ਸੀ ਦਾ ਮੈਂਬਰ, ਅਮਿਤਾਬ ਬਚਨ ਦੇ ਕੇਸ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਅੱਗੇ ਪੇਸ਼ ਕਰ ਰਿਹਾ ਹੈ। ਸ: ਪੀਰ ਮੁਹੰਮਦ ਨੇ ਕਿਹਾ, ਨਾਨਕਾ ਪ੍ਰਵਾਰ ਸਿੱਖ ਹੋਣ ਦੇ ਨਾਤੇ ਹੀ ਜੇ ਅਮਿਤਾਬ ਬਚਨ ਨਿਰਦੋਸ਼ ਹੈ ਤਾਂ ਜਗਦੀਸ਼ ਟਾਈਟਲਰ ਵੀ ਆਪਣੇ ਆਪ ਨੂੰ ਸਿੱਖ ਦਸਦਾ ਹੋਇਆ ਕਹਿ ਰਿਹਾ ਹੈ ਕਿ ਪਾਕਸਤਾਨ ਵਿੱਚ ਉਸ ਦਾ ਨਾਮ ਜਗਦੀਸ਼ ਸਿੰਘ ਸੀ; ਕੇ.ਪੀ.ਐੱਸ. ਗਿੱਲ ਤਾਂ ਹੁਣ ਵੀ ਸਿੱਖੀ ਸਰੂਪ ਵਿੱਚ ਹੈ ਤਾਂ ਕੀ ਇਹ ਸਾਰੇ ਹੀ ਦੋਸ਼ ਮੁਕਤ ਕਰ ਦਿੱਤੇ ਜਾਣ। ਉਨ੍ਹਾਂ ਕਿਹਾ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ, ੧੯੮੪ ਸਿੱਖ ਕਤਲੇਆਮ ਵਿਚ ਬਚਨ ਦੀ ਸ਼ਮੂਲੀਅਤ ਸਬੰਧੀ ਗਵਾਹਾਂ ਨੂੰ ਪੰਜ ਸਿੰਘ ਸਾਹਿਬਾਨ ਦੀ ਮੀਟਿੰਗ ਵਿਚ ਉਸ ਸਮੇਂ ਪੇਸ਼ ਕਰੇਗੀ, ਜਿਸ ਸਮੇਂ ਬਚਨ ਦੇ ਪ੍ਰਾਪਤ ਹੋਏ ਪੱਤਰ ਨੂੰ ਅਗਲੀ ਮੀਟਿੰਗ ਵਿਚ ਵਿਚਾਰਿਆ ਜਾਵੇਗਾ।
ਸ: ਪੀਰ ਮੁਹੰਮਦ ਨੇ ਮੰਗ ਕੀਤੀ ਹੈ ਕਿ ਨਵੰਬਰ ੧੯੮੪ ਵਿਚ ਭਾਰਤ ਦੀ ਸਿੱਖ ਅਬਾਦੀ ‘ਤੇ ਸੋਚੀ ਸਮਝੀ ਸਾਜਿਸ਼ ਤਹਿਤ ਹਮਲੇ ਕਰਵਾਉਣ, ਸਾਜਿਸ਼ ਰਚਣ, ਲੋਕਾਂ ਨੂੰ ਭੜਕਾਉਣ ਲਈ ਅਮਿਤਾਬ ਬਚਨ ਦੇ ਖਿਲਾਫ ਕਤਲ ਦੇ ਦੋਸ਼ ਦਰਜ ਕੀਤੇ ਜਾਣੇ ਚਾਹੀਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਅਮਿਤਾਬ ਬਚਨ ਦੇ ਖਿਲਾਫ ਸਿੱਖ ਭਾਈਚਾਰੇ ਦੇ ਖਿਲਾਫ ਹਿੰਸਾ ਨੂੰ ਭੜਕਾਉਣ ਲਈ ਆਈ ਪੀ ਸੀ ਧਾਰਾ ੫੦੫ ਤਹਿਤ ਅਤੇ ਫਲਸਰੂਪ ਹਜ਼ਾਰਾਂ ਸਿਖਾਂ ਦੇ ਹੋਏ ਕਤਲੇਆਮ ਲਈ ਧਾਰਾ ੩੦੨ ਤਹਿਤ ਕੇਸ ਦਰਜ ਕੀਤਾ ਜਾਣਾ ਚਾਹੀਦਾ ਹੈ।
ਨਿਊਯਾਰਕ ਤੋਂ ਜਾਰੀ ਇਕ ਬਿਆਨ ਵਿਚ ਮਨੁੱਖੀ ਅਧਿਕਾਰਾਂ ਬਾਰੇ ਵਕੀਲ ਗੁਰਪਤਵੰਤ ਸਿੰਘ ਪੰਨੂ ਨੇ ਕਿਹਾ ਕਿ ਨਵੰਬਰ ੧੯੮੪ ਵਿਚ ਸਿੱਖਾਂ ਦੇ ਕਤਲੇਆਮ ਨੂੰ ਭੜਕਾਉਣ ਸਬੰਧੀ ਸਿਖਸ ਫਾਰ ਜਸਟਿਸ ਵਲੋਂ ਬਚਨ ਖਿਲਾਫ ਦਾਇਰ ਅਪਰਾਧਕ ਸ਼ਿਕਾਇਤ ‘ਤੇ ਕਾਰਵਾਈ ਕਰਦਿਆਂ, ਆਸਟਰੇਲੀਆ ਦੇ ਕਾਮਨਵੈਲਥ ਡਾਇਰੈਕਟਰ ਆਫ ਪਬਲਿਕ ਪ੍ਰੋਸੀਕਿਉਸ਼ਨਜ਼ ਵਲੋਂ, ਵਾਰੰਟ ਜਾਰੀ ਕਰਨ ਤੇ ਇਸ ਦੀ ਜਾਂਚ ਕਰਨ ਲਈ ਆਸਟਰੇਲੀਆ ਕ੍ਰਿਮੀਨਲ ਕੋਡ ਐਕਟ ਆਫ ੧੯੯੫ ਤਹਿਤ ਆਸਟਰੇਲੀਆ ਦੀ ਫੈਡਰਲ ਪੁਲਿਸ ਦੇ ਹਵਾਲੇ ਕਰ ਦਿੱਤੀ ਗਈ ਹੈ। ਆਸਟਰੇਲੀਆ ਕ੍ਰਿਮੀਨਲ ਕੋਡ ਐਕਟ ਆਫ ੧੯੯੫ ਵਿਚ ਵਿਵਸਥਾ ਹੈ ਕਿ ਮਨੁੱਖਤਾ ਦੇ ਖਿਲਾਫ ਕੀਤੇ ਗਏ ਜੁਰਮਾਂ ਲਈ ਕੇਸ ਦਰਜ ਕੀਤੇ ਜਾਣ ਚਾਹੇ ਉਹ ਅਪਰਾਧ ਆਸਟਰੇਲੀਆ ਤੋਂ ਬਾਹਰ ਹੀ ਕਿਉਂ ਨਾ ਹੋਏ ਹੋਣ

ਲੁਧਿਆਣਾ,ਨਵੰਬਰ:-ਸਿੱਖ ਰਾਜ ਨੂੰ ਖਤਮ ਕਰਨ ਵਿਚ ਆਪਣਾ ਯੋਗਦਾਨ ਪਾਉਣ ਵਾਲੇ ਲਾਲ ਸਿਹੁੰ, ਤੇਜਾ ਸਿਹੁੰ, ਪਹਾੜਾ ਸਿਹੁੰ ਤੇ ਧਿਆਨੇ ਡੋਗਰੇ ਨੂੰ ਸਿੱਖ ਇਤਿਹਾਸ ਵਿਚ ਕੇਵਲ ਇਕ ਲਾਈਨ ਵਿਚ ਹੀ ਯਾਦ ਕੀਤਾ ਜਾਂਦਾ ਹੈ ਕਿ, “ਇਹਨਾਂ ਲੋਕਾਂ ਨੇ ਸਿੱਖ ਰਾਜ ਨਾਲ ਗੱਦਾਰੀ ਕੀਤੀ ” ਭਾਵੇਂ ਕਿ ਉਸ ਸਮੇਂ ਇਹ ਸਿੱਖ ਰਾਜ ਦਰਬਾਰ ਵਿਚ ਪ੍ਰਧਾਨ ਮੰਤਰੀ, ਸੈਨਾਪਤੀ ਜਾਂ ਹੋਰ ਉੱਚ ਅਹੁਦਿਆਂ ‘ਤੇ ਬਿਰਾਜਮਾਨ ਸਨ। ਇਸੇ ਤਰ੍ਹਾ ਹੀ ਵਰਤਮਾਨ ਸਮੇਂ ਵਿਚ ਭਾਵੇਂ ਪਰਕਾਸ ਸਿਹੁੰ ਬਾਦਲ ਤੇ ਉਸਦੇ ਜੋਟੀਦਾਰ ਉੱਚ ਅਹੁਦਿਆਂ ਤੇ ਬੈਠੇ ਹੋਏ ਹਨ ਪਰ ਜਦੋਂ ਆਉਂਣ ਵਾਲੀਆਂ ਪੀੜੀਆਂ ਨੇ ਇਤਿਹਾਸ ਪੜ੍ਹਣਾ ਹੈ ਤਾਂ ਬਾਦਲ ਦੇ ਨਾਮ ਨੂੰ ਇਸੇ ਇਕ ਲਾਈਨ ਜਿੰਨੀ ਹੀ ਥਾਂ ਮਿਲਣੀ ਹੈ ਕਿ ਇਸ ਨੇ ਸਿੱਖ ਕੌਮ ਨਾਲ ਗੱਦਾਰੀ ਕੀਤੀ ਸੀ। ਇਹਨਾਂ ਵਿਚਾਰਾਂ ਦਾ ਇਜ਼ਹਾਰ ਅਕਾਲੀ ਦਲ ਪੰਚ ਪਰਧਾਨੀ ਦੇ ਮੀਡੀਆ ਕਮੇਟੀ ਮੈਂਬਰ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਨੇ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਵਲੋਂ ਪਰਕਾਸ ਸਿੰਘ ਬਾਦਲ ਨੂੰ ਫਕਰੇ-ਕੌਮ ਪੰਥ ਰਤਨ ਦਾ ਅਵਾਰਡ ਦੇਣ ਦੇ ਐਲਾਨ ਉੱਤੇ ਆਪਣੀ ਪ੍ਰਤੀਕਿਰਿਆ ਦਿੰਦਿਆਂ ਕੀਤਾ।ਉਹਨਾਂ ਕਿਹਾ ਕਿ ਸਮੇਂ ਦੇ ਰਾਜੇ ਆਪਣੇ ਨਾਵਾਂ ਨਾਲ ਅਨੇਕਾਂ ਖਿਤਾਬ ਜੋੜ ਕੇ ਅਤੇ ਖਾਸ ਤੌਰ ‘ਤੇ ਉਹਨਾਂ ਨੂੰ ਧਾਰਮਿਕ ਅਹੁਦੇਦਾਰਾਂ ਤੋਂ ਮਾਨਤਾ ਦਿਵਾ ਕੇ ਆਪਣੇ ਹਊਮੈਂ ਨੂੰ ਪੱਠੇ ਪਾਉਂਦੇ

ਐਸ.ਏ.ਐਸ. ਨਗਰ,(ਗੁਰਿੰਦਰਜੀਤ ਸਿੰਘ ਪੀਰਜੈਨ)-ਪੰਜਾਬ ਵੱਲੋਂ ਚੱਪੜ ਚਿੜੀ ਦੇ ਇਤਿਹਾਸਿਕ ਸਥਾਨ ’ਤੇ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਯਾਦ ਨੂੰ ਸਦੀਵੀ ਬਣਾਉਣ ਲਈ ਸਭ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਯਾਦ ਰਹੇ ਕਿ ਇਸ ਸਥਾਨ ’ਤੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਨੇ ਸਰਹਿੰਦ ਦੇ ਮੁਗ਼ਲ ਹਾਕਮ ਵਜ਼ੀਰ ਖ਼ਾਨ ਨੂੰ ਕਰੜੀ ਹਾਰ ਦੇ ਕੇ ਸੰਨ 1711 ਵਿੱਚ ਪਹਿਲੇ ਸਿੱਖ ਰਾਜ ਦੀ ਸਥਾਪਨਾ ਕੀਤੀ ਸੀ। ਬਾਬਾ ਜੀ ਨੂੰ ਢੁਕਵੀਂ ਸ਼ਰਧਾਂਜਲੀ ਦੇਣ ਲਈ 20,000 ਤੋਂ ਜ਼ਿਆਦਾ ਸਾਬਕਾ ਫ਼ੌਜੀ ਅਤੇ 300 ਦੇ ਕਰੀਬ ਫ਼ੌਜ ਦੇ ਅਧਿਕਾਰੀ, ਜਿਨ੍ਹਾਂ ਵਿਚ ਭਾਰਤੀ ਫ਼ੌਜ ਦੇ ਪਹਿਲੇ ਸਿੱਖ ਜਨਰਲ ਜੇ.ਜੇ. ਸਿੰਘ ਵੀ ਸ਼ਾਮਲ ਹਨ, ਵਿਸ਼ੇਸ਼ ਤੌਰ ’ਤੇ ਬਾਬਾ ਜੀ ਦੀ ਬਹਾਦਰੀ ਨੂੰ ਸਿਜਦਾ ਕਰਨ ਲਈ ਪਹੁੰਚਣਗੇ ਅਤੇ ਜੰਗਜੂ ਰਵਾਇਤਾਂ ਨੂੰ ਅੱਗੇ ਲਿਜਾਣ ਦਾ ਪ੍ਰਣ ਲੈਣਗੇ।

ਬਾਬਾ ਜੀ ਦੀ ਯਾਦ ਵਿੱਚ ਉਸਾਰੀ ਗਈ 328 ਫ਼ੁੱਟ ਉੱਚੀ ਮਿਨਾਰ, ਜੋ ਦੇਸ਼ ਦੀ ਸਭ ਤੋਂ ਉੱਚੀ ਜੰਗੀ ਮਿਨਾਰ ਹੈ, ਨੂੰ 30 ਨਵੰਬਰ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਮਨੁੱਖਤਾ ਨੂੰ ਸਮਰਪਿਤ ਕਰਨਗੇ। ਅੱਜ ਚੱਪੜ ਚਿੜੀ ਜੰਗੀ ਯਾਦਗਾਰ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮੁੱਖ ਮੰਤਰੀ ਦੇ ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਸ੍ਰੀ ਕੇ.ਜੇ.ਐਸ. ਚੀਮਾ ਨੇ ਦੱਸਿਆ ਕਿ ਇਸ 328 ਫ਼ੁੱਟ ਉੱਚੀ ਮਿਨਾਰ ਦੇ ਤਿੰਨ ਪੜਾਅ ਕ੍ਰਮਵਾਰ 20.4, 35.40 ਅਤੇ 66 ਮੀਟਰ ਹਨ। ਇਸ ਜੇਤੂ ਮਿਨਾਰ ਉਪਰ ਸਟੀਲ ਦੇ ਖੰਡੇ ਵਾਲਾ ਗੁੰਬਦ ਬਣਾਇਆ ਗਿਆ ਹੈ। ਮਿਨਾਰ ਦੇ 8 ਪਾਸੇ ਖ਼ੂਬਸੂਰਤ ਦਰਵਾਜ਼ੇ ਚੜ੍ਹਦੀ ਕਲਾ ਦਾ ਪ੍ਰਤੀਕ ਹਨ। ਉਨ੍ਹਾਂ ਦੱਸਿਆ ਕਿ ਯਾਦਗਾਰ ਵਿਖੇ ਬਣਾਈ ਗਈ ਵਾਟਰ ਬਾਡੀ ਦੇ ਨਾਲ-ਨਾਲ ਉਤਰ-ਪੂਰਬੀ ਪਾਸੇ ਟਿੱਬਿਆਂ ਦੀ ਸ਼ਕਲ ਵਿਚ 6 ਅਜਿਹੇ ਢਾਂਚੇ ਤਿਆਰ ਕੀਤੇ ਗਏ ਹਨ, ਜਿਨ੍ਹਾਂ ਉਪਰ ਬਾਬਾ ਬੰਦਾ ਸਿੰਘ ਬਹਾਦਰ ਅਤੇ ਉਨ੍ਹਾਂ ਦੇ ਪੰਜ ਮਹਾਨ ਜਰਨੈਲਾਂ ਭਾਈ ਫ਼ਤਹਿ ਸਿੰਘ, ਭਾਈ ਮਾਲੀ ਸਿੰਘ, ਭਾਈ ਆਲੀ ਸਿੰਘ, ਭਾਈ ਰਾਮ ਸਿੰਘ ਅਤੇ ਭਾਈ ਬਾਜ਼ ਸਿੰਘ ਦੇ ਬੁੱਤ ਸਥਾਪਿਤ ਕੀਤੇ ਗਏ ਹਨ।

ਸ੍ਰੀ ਚੀਮਾ ਨੇ ਦੱਸਿਆ ਕਿ ਯਾਦਗਾਰ ਦੇ ਉਤਰ-ਪੱਛਮੀ ਪਾਸੇ 1200 ਵਿਅਕਤੀਆਂ ਦੇ ਬੈਠਣ ਦੀ ਸਮਰੱਥਾ ਵਾਲੇ ਇੱਕ ਖੁਲ੍ਹੇ ਥੀਏਟਰ ਦਾ ਨਿਰਮਾਣ ਕੀਤਾ ਗਿਆ ਹੈ ਜਿਸ ਦੀ ਵਰਤੋਂ ਵੱਖ-ਵੱਖ ਸਭਿਆਚਾਰਕ ਅਤੇ ਧਾਰਮਿਕ ਸਰਗਰਮੀਆਂ ਤੇ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਨ ਲਈ ਕੀਤੀ ਜਾਵੇਗੀ ਅਤੇ ਇਸ ਥੀਏਟਰ ਵਿਚ ਇੱਕ ਛੋਟੇ ਕੌਫ਼ੀ ਹਾਊਸ ਦੀ ਵਿਵਸਥਾ ਵੀ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਕੰਪਲੈਕਸ ਦੇ ਪ੍ਰਵੇਸ਼ ’ਤੇ ਇੱਕ ਸੂਚਨਾ ਕੇਂਦਰ ਦਾ ਨਿਰਮਾਣ ਕੀਤਾ ਗਿਆ ਹੈ ਅਤੇ ਕੰਪਲੈਕਸ ਵਿਚ ਹਰ ਥਾਂ ਜਾਣ ਲਈ ਵਿਸ਼ੇਸ਼ ਪੈਦਲ ਲਾਂਘੇ ਬਣਾਏ ਗਏ ਹਨ। ਸ੍ਰੀ ਚੀਮਾ ਨੇ ਦੱਸਿਆ ਕਿ ਇੱਕ ਵਿਸ਼ੇਸ਼ ਡੋਮ ਥੀਏਟਰ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ ਤਾਂ ਜੋ ਦਰਸ਼ਕਾਂ ਨੂੰ ਜੰਗ ਦੇ ਮਾਹੌਲ ਦਾ ਹੂਬਹੂ ਅਹਿਸਾਸ ਕਰਵਾਇਆ ਜਾ ਸਕੇ ਅਤੇ ਸਨਿੱਚਰਵਾਰ ਤੇ ਐਤਵਾਰ ਨੂੰ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦੇ ਜੀਵਨ ਅਤੇ ਪ੍ਰਾਪਤੀਆਂ ਬਾਰੇ ਰੌਸ਼ਨੀ ਤੇ ਆਵਾਜ਼ ’ਤੇ ਆਧਾਰਤ ਵਿਸ਼ੇਸ਼ ਪ੍ਰੋਗਰਾਮ ਕਰਵਾਇਆ ਜਾਇਆ ਕਰੇਗਾ।

ਇਸ ਮੌਕੇ ਸਾਬਕਾ ਸੰਸਦ ਮੈਂਬਰ ਸ੍ਰੀ ਤਰਲੋਚਨ ਸਿੰਘ ਨੇ ਦੱਸਿਆ ਕਿ ਸ਼ਿਵਾ ਜੀ ਤੋਂ ਬਾਅਦ ਭਾਰਤ ਦੀ ਧਰਤੀ ’ਤੇ ਮੁਗ਼ਲਾਂ ਨੂੰ ਹਰਾਉਣ ਵਾਲੇ ਬਾਬਾ ਜੀ ਦੂਜੇ ਮਹਾਨ ਯੋਧੇ ਸਨ। ਉਨ੍ਹਾਂ ਕਿਹਾ ਕਿ ਪਰ ਦੇਸ਼ ਅੰਦਰ ਬਾਬਾ ਜੀ ਦੀ ਬਹਾਦਰੀ ਅਤੇ ਕੁਰਬਾਨੀ ਨੂੰ ਬਣਦੀ ਮਾਨਤਾ ਨਹੀਂ ਮਿਲੀ। ਉਨ੍ਹਾਂ ਕਿਹਾ ਕਿ ਹੁਣ ਖ਼ੁਸ਼ੀ ਵਾਲੀ ਗੱਲ ਹੈ ਕਿ ਪੰਜਾਬ ਸਰਕਾਰ ਨੇ ਉਨ੍ਹਾਂ ਦੀ ਯਾਦ ਵਿਚ ਇੱਕ ਸ਼ਾਨਦਾਰ ਜੰਗੀ ਯਾਦਗਾਰ ਦਾ ਨਿਰਮਾਣ ਕੀਤਾ ਹੈ, ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਪ੍ਰੇਰਨਾ ਦਾ ਇੱਕ ਵੱਡਾ ਸਰੋਤ ਬਣੇਗੀ।

ਬਾਬਾ ਜੀ ਦੇ ਸ਼ਾਸਨ ਨੂੰ ਯਾਦ ਕਰਦਿਆਂ ਸ੍ਰੀ ਤਰਲੋਚਨ ਸਿੰਘ ਨੇ ਦੱਸਿਆ ਕਿ ਸਰਹਿੰਦ ਦੇ ਹੁਕਮਰਾਨ ਵਜੋਂ ਬਾਬਾ ਜੀ ਨੇ ਸਭ ਤੋਂ ਪਹਿਲਾ ਫ਼ੈਸਲਾ ਕਿਸਾਨਾਂ ਨੂੰ ਜ਼ਮੀਨੀ ਦੇ ਮਾਲਕੀ ਹੱਕ ਦੇਣ ਦੇ ਰੂਪ ਵਿਚ ਲਿਆ ਜਿਸ ਲਈ ਦੇਸ਼ ਦਾ ਹਰ ਕਿਸਾਨ ਉਨ੍ਹਾਂ ਦਾ ਹਮੇਸ਼ਾ ਦੇਣਦਾਰ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਪਹਿਲੇ ਅਤੇ ਦਸਵੇਂ ਪਾਤਿਸ਼ਾਹ ਦੇ ਨਾਂ ਵਾਲਾ ਪਹਿਲਾ ਭਾਰਤੀ ਸਿੱਕਾ ਜਾਰੀ ਕਰਨ ਲਈ ਵੀ ਯਾਦ ਕੀਤਾ ਜਾਂਦਾ ਹੈ

ਪੰਜਾਬ ਵਿਚ ਜੇਕਰ ਅਕਾਲੀ ਦਲ ਦੇ ਪੈਰਾਂ ਵਿਚ ਸਰਕਾਰ ਬਨਾਉਣ ‘ਚ ਰੋੜਾ ਬਣੀ ਤਾਂ ਉਹ ਭਾਜਪਾ ਹੋਵੇਗੀ
ਪੰਜਾਬ ਵਿਚ ਵਿਧਾਨ ਸ਼ਭਾ ਦੀਆਂ ਚੋਣਾਂ ਦਾ ਸਮਾਂ ਨਜ਼ਦੀਕ ਆਉਂਦਾ ਦਿਖਾਈ ਦੇਣ ਨਾਲ ਪਿਛਲੇ ਸਮੇਂ ਤੋਂ ਰਾਜਨੀਤਿਕ ਗਤੀਵਿਧੀਆਂ ਕਾਰਨ ਰਾਜਮਨੀਤਿਕ ਤੌਰ ‘ਤੇ ਕਾਫੀ ਉਥਲ-ਪੁਥਲ ਮੱਚੀ ਹੋਈ ਹੈ। ਪਿਛਲੇ ਚਾਰ ਸਾਲਾਂ ਵਿਚ ਪੰਜਾਬ ਵਿਚ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਗਠਜੋੜ ਦੀ ਕਾਰਗੁਜ਼ਾਰੀ ਪੰਜਾਬ ਵਿਚ ਕੋਈ ਬਹੁਤੀ ਵਧੀਆ ਨਹੀਂ ਰਹੀ। ਬਾਦਲ ਪਰਿਵਾਰ ਵਿਚ ਹੋਏ ਕਾਟੋ-ਕਲੇਸ਼ ਕਾਰਨ ਪੰਜਾਬ ਦੀ ਰਾਜਨੀਤੀ ਦੇ ਸਮੀਕਰਨ ਬਦਲ ਗਏ। ਵਿੱਤ ਮੰਤਰੀ ਰਹੇ ਮਨਪ੍ਰੀਤ ਬਾਦਲ ਨੂੰ ਪਾਰਟੀ ਵਿਚੋਂ ਕੱਢ ਦੇਣ ਨਾਲ ਪੰਜਾਬ ਵਿਚ ਉਸ ਨੇ ਆਪਣੀ ਵੱਖਰੀ ਪਾਰਟੀ ਹੋਂਦ ਵਿਚ ਲਿਆ ਕੇ ਰੁੱਸੇ ਹੋਏ ਅਕਾਲੀਆਂ ਨੂੰ ਨਾਲ ਜੋੜਣਾ ਸ਼ੁਰੂ ਕਰ ਦਿਤਾ। ਉਸ ਸਮੇਂ ਇਹ ਲੱਗ ਰਿਹਾ ਸੀ ਕਿ ਮਨਪ੍ਰੀਤ ਬਾਦਲ ਇਸ ਵਾਰ ਦੀਆਂ ਚੋਣਾਂ ਵਿਚ ਸ਼੍ਰੋਮਣੀ ਅਕਾਲੀ ਦਲ ਲਈ ਦੂਸਰਾ ਟੌਹੜਾ ਸਾਬਤ ਹੋਵੇਗਾ ਅਤੇ ਇਸਦੀ ਪਾਰਟੀ ਜਿੱਤ ਭਾਵੇਂ ਹਾਸਲ ਨਾ ਕਰ ਸਕੇ ਪਰ ਬਾਦਲ ਐਂਡ ਪਾਰਟੀ ਨੂੰ ਪੰਜਾਬ ਵਿਚ ਮੁੜ ਸਰਕਾਰ ਬਨਾਉਣ ਤੋਂ ਰੋਕ ਜਰੂਰ ਲਏਗੀ। ਕਾਂਗਰਸ ਵਿਚ ਵੀ ਕੁਝ ਬਹੁਤਾ ਵਧੀਆ ਮਾਹੌਲ ਨਾ ਹੋਣ ਕਾਰਨ ਕਾਂਗਰਸ ਵੀ ਇਸ ਮੁੱਦੇ ਨੂੰ ਕੈਸ਼ ਨਹੀਂ ਕਰ ਸਕੀ। ਪਰ ਅਕਾਲੀ ਦਲ ਵਿਚ ਹੋਏ ਘਮਾਸਾਨ ਨਾਲ ਕਾਂਗਰਸ ਇਹ ਮਹਿਸੂਸ ਕਰਨ ਲੱਗ ਪਈ ਸੀ ਕਿ ਉਸਦੀ ਥਾਲੀ ਵਿਚ ਸਰਕਾਰ ਰੂਪੀ ਰੋਟੀ ਪੱਕੀ-ਪਕਾਈ ਹੀ ਆ ਜਾਵੇਗੀ। ਮਨਪ੍ਰੀਤ ਬਾਦਲ ਵਲੋਂ ਪੰਜਾਬ ਵਿਚ ਧੂੰਆਂ-ਧਾਰ ਪ੍ਰਚਾਰ ਸਦਕਾ ਉਹ ਪੰਜਾਬ ਦੇ ਹਰ ਹਲਕੇ ਵਿਚ ਇਕ ਵਾਰ ਚਰਚਾ ਦਾ ਵਿਸ਼ਾ ਜਰੂਰ ਬਣ ਗਿਆ। ਮਨਪ੍ਰੀਤ ਦੀ ਇਸ ਲੋਕਪ੍ਰੀਅਤਾ ਨਾਲ ਅੰਦਰੋਂ ਦੋਵੇਂ ਵਿਰੋਧੀ ਪਾਰਟੀਆਂ ਅਕਾਲੀ ਦਲ ਅਤੇ ਕਾਂਗਰਸ ਇਕ ਵਾਰ ਸੋਚ ਲਈ ਮਜ਼ਬੂਰ ਜਰੂਰ ਹੋਈਆਂ। ਚੋਣਾਂ ਦੀ ਆਹਟ ਤੋਂ ਪਹਿਲਾਂ ਮਨਪ੍ਰੀਤ ਬਾਦਲ ਦੀ ਪੀ. ਪੀ. ਪੀ. ਪਾਰਟੀ ਦੇ ਨੁਕਸਾਨ ਸਿੱਧੇ ਤੌਰ ‘ਤੇ ਅਕਾਲੀ ਦਲ ਲਈ ਲੱਗ ਰਿਹਾ ਸੀ। ਪਰ ਹੁਣ ਬਦਲੇ ਰਾਜਸੀ ਸਮੀਕਰਨ ਇਸਤੋਂ ਉਲਟ ਦਿਸ਼ਾ ਵੱਲ ਜਾਂਦੇ ਦਿਖਾਈ ਦੇ ਰਹੇ ਹਨ। ਮਨਪ੍ਰੀਤ ਬਾਦਲ ਦੀ ਪਾਰਟੀ ਨਾਲ ਜਿਥੇ ਬਾਦਲ ਵਿਰੋਧੀ ਅਕਾਲੀ ਦਲ ਮਿਲੇ ਉਥੇ ਸੀ. ਪੀ. ਆਈ., ਸੀ. ਪੀ. ਐਮ. ਦੇ ਗਠਜੋੜ ਨੇ ਉਸਨੂੰ ਵੱਡਾ ਹੁਲਾਰਾ ਦਿਤਾ ਹੈ। ਹੁਣ ਦੇ ਰਾਜਨੀਤਿਕ ਮਾਹੌਲ ‘ਤੇ ਜੇਕਰ ਨਜ਼ਰ ਮਾਰੀ ਜਾਵੇ ਤਾਂ ਹੁਣ ਮਨਪ੍ਰੀਤ ਐਂਡ ਕੰਪਨੀ ਸਿੱਧੇ ਤੌਰ ‘ਤੇ ਕਾਂਗਰਸ ਲਈ ਮਾਰੂ ਸਾਬਤ ਹੁੰਦੀ ਨਜ਼ਰ ਆ ਰਹੀ ਹੈ। ਦੋਵੇਂ ਕਾਮਰੇਡ ਜਮਾਤਾਂ ਦੀ ਪੰਜਾਬ ਦੇ ਹਰੇਕ ਹਲਕੇ ਵਿਚ ਘੱਟ ਤੋਂ ਘੱਟ 8 ਤੋਂ 10 ਹਜ਼ਾਰ ਦੇ ਕਰੀਬ ਵੋਟ ਹੈ। ਕੁਝ ਹਲਕਿਆਂ ਵਿਚ ਇਸਤੋਂ ਵੀ ਵਧੇਰੇ ਵੋਟ ਬੈਂਕ ਇਨ੍ਹਾਂ ਪਾਸ ਹੈ। ਇਹ ਸਾਰੀਆਂ ਵੋਟਾਂ ਹੁਣ ਤੱਕ ਕਾਂਗਰਸ ਦੇ ਹਿੱਸੇ ਹੀ ਆਉਂਦੀਆਂ ਰਹੀਆਂ ਹਨ। ਆਉਣ ਵਾਲੇ ਸਮੇਂ ਵਿਚ ਬਹੁਜਨ ਸਮਾਜ ਪਾਰਟੀ ਵੀ ਮਨਪ੍ਰੀਤ ਦੇ ਗਠਜੋੜ ਵਿਚ ਸ਼ਾਮਲ ਹੁੰਦੀ ਨਜ਼ਰ ਆ ਰਹੀ ਹੈ। ਜੇਕਰ ਬਸਪਾ ਵੀ ਮਨਪ੍ਰੀਤ ਦੇ ਨਾਲ ਗਠਜੋੜ ਕਰ ਲੈਂਦੀ ਹੈ ਤਾਂ ਇਸਦਾ ਵੱਡਾ ਅਤੇ ਸਿੱਧਾ ਨੁਕਸਾਨ ਕਾਂਗਰਸ ਪਾਰਟੀ ਨੂੰ ਹੀ ਹੋਵੇਗਾ। ਜੇਕਰ ਮੂਲ ਰੂਪ ਵਿਚ ਪੰਜਾਬ ਦੀ ਰਾਜਨੀਤਿਕ ਸਥਿਤੀ ਤੇ ਨਜ਼ਰ ਮਾਰੀ ਜਾਵੇ ਤਾਂ ਸਾਫ ਹੈ ਕਿ ਪੰਜਾਬ ਵਿਚ ਅਕਾਲੀ ਦਲ ਅਤੇ ਕਾਂਗਰਸ ਪਾਸ ਬਰਾਬਰ ਦਾ ਵੋਟ ਬੈਂਕ ਹੈ। ਸਿਰਫ ਉਪਰਲੀ ਦੋ ਪ੍ਰਤੀਸ਼ਤ ਵੋਟ ਇਥੇ ਫੈਸਲਾਕੁੰਨ ਭੂਮਿਕਾ ਅਦਾ ਕਰਦੀ ਹੈ। ਕਾਮਰੇਡ, ਬਸਪਾ ਜੋ ਨੁਕਸਾਨ ਕਾਂਗਰਸ ਦਾ ਕਰੇਗੀ ਉਹ ਬਹੁਤ ਅਹਿਮ ਅਤੇ ਫੈਸਲਾਕੁੰਨ ਹੋਵੇਗਾ। ਜਿਥੋਂ ਤੱਕ ਮਨਪ੍ਰੀਤ ਬਾਦਲ ਦਾ ਅਕਾਲੀ ਦਲ ਨੂੰ ਨੁਕਸਾਨ ਪਹੁੰਚਾਉਣ ਦਾ ਮੱਦਾ ਹੈ ਉਸਦੇ ਹਿਸਾਬ ਨਾਲ ਜੋ ਅਕਾਲੀ ਮਨਪ੍ਰੀਤ ਨਾਲ ਜੁੜੇ ਹੋਏ ਹਨ ਉਨ੍ਹਾਂ ਦੀ ਵੋਟ ਵੀ ਅਕਾਲੀ ਦਲ ਨੂੰ ਨਹੀਂ ਭੁਗਤਨੀ ਸੀ। ਉਸਦੇ ਬਾਵਜੂਦ ਜੋ ਥੋੜਾ ਬਹੁਤ ਨੁਕਸਾਨ ਅਕਾਲੀ ਦਲ ਨੂੰ ਮਨਪ੍ਰੀਤ ਬਾਦਲ ਕਰਕੇ ਹੋਣ ਵਾਲਾ ਸੀ ਉਸਦੀ ਭਰਪਾਈ ਲੋਕ ਭਲਾਈ ਪਾਰਟੀ ਦੇ ਅਕਾਲੀ ਦਲ ‘ਚ ਰਲੇਵੇਂ ਨਾਲ ਪੂਰੀ ਹੋ ਜਾਵੇਗੀ। ਇਸ ਲਈ ਹੁਣ ਤੋਂ ਛੇ ਮਹੀਨੇ ਪਹਿਲਾਂ ਜੋ ਰਾਜਨੀਤਿਕ ਮਾਹੌਲ ਲੱਗ ਰਿਹਾ ਸੀ ਉਹ ਅੱਜ ਬਿਲਕੁਲ ਬਦਲ ਗਿਆ ਹੈ। ਪੰਜਾਬ ਵਿਚ ਅਗਲੀ ਸਰਕਾਰ ਫਿਰ ਤੋਂ ਅਕਾਲੀ ਦਲ ਦੀ ਸਾਹਮਣੇ ਦਿਖਾਈ ਦੇ ਰਹੀ ਹੈ। ਪੰਜਾਬ ਵਿਚ ਜੇਕਰ ਅਕਾਲੀ ਦਲ ਦੇ ਪੈਰਾਂ ਵਿਚ ਸਰਕਾਰ ਬਨਾਉਣ ‘ਚ ਵੱਡਾ ਰੋੜਾ ਬਣੀ ਤਾਂ ਉਹ ਅਕਾਲੀ ਦਲ ਦੀ ਭਾਈਵਾਲੀ ਭਾਜਪਾ ਹੋਵੇਗੀ। ਇਸ ਵਾਰ ਪੰਜਾਬ ਵਿਚ ਭਾਜਪਾ ਦੇ ਹਥ ਇਕ ਦੋ ਤੋਂ ਵੱਧ ਸੀਟਾਂ ਆਉਣ ਵਾਲੀਅ ਨਹੀਂ ਹਨ। ਇਸ ਲਈ ਜੇਕਰ ਪੰਜਾਬ ‘ਚ ਮੁੜ ਰਾਜ ਕਰਨਾ ਅਕਾਲੀ ਲੋਚਦੇ ਹਨ ਤਾਂ ਉਨ੍ਹਾਂ ਨੂੰ ਭਾਜਪਾ ਪ੍ਰਤੀ ਆਪਣੀ ਰਣਨੀਤੀ ਵਿਚ ਤਬਦੀਲੀ ਲਿਆਉਣੀ ਹੋਵੇਗੀ। ਦੂਜੇ ਪਾਸੇ ਜੇਕਰ ਕਾਂਗਰਸ ਭਵਿੱਖ ਵਿਚ ਪੰਜਾਬ ‘ਚ ਜਿੱਤ ਹਾਸਲ ਕਰਨਾ ਚਾਹੁੰਦੀ ਹੈ ਤਾਂ ਉਸਨੂੰ ਇਕਮੁਠ ਹੋ ਕੇ ਸਾਹਮਣੇ ਆਉਣਾ ਚਾਹੀਦਾ ਹੈ। ਇਕੱਲਾ ਕੈਪਟਨ ਅਮਰਿੰਦਰ ਸਿੰਘ ਬਾਦਲਾਂ ਨੂੰ ਨਹੀਂ ਢਾਹ ਸਕੇਗਾ। ਸਮੁੱਚੀ ਲੀਡਰਸ਼ਿਪ ਮਤਭੇਦ ਦੂਰ ਕਰਕੇ ਇਕ ਦੂਜੇ ਦੀਆਂ ਲੱਤਾਂ ਖਿੱਚਣ ਤੋਂ ਬਾਜ਼ ਆ ਕੇ ਸਾਹਮਣੇ ਆਉਣ। ਪੰਜਾਬ ਵਿਚ ਪਿਛਲੇ ਸਮੇਂ ਦੌਰਾਨ ਅਕਾਲੀ ਦਲ ਦੀ ਨਖਿੱਧ ਕਾਰਗੁਜ਼ਾਰੀ ਸਦਕਾ ਲੋਕ ਇਸਨੂੰ ਮੂੰਹ ਨਹੀਂ ਲਗਾਉਣਾ ਚਾਹੁੰਦੇ ਪਰ ਬਦਲੇ ਰਾਜਮਨੀਤਿਕ ਸਮੀਕਰਨ ਅਕਾਲੀ ਦਲ ਨੂੰ ਪੰਜਾਬ ਵਿਚ ਭਾਰੂ ਕਰ ਰਹੇ ਹਨ। ਹੁਣ ਇਹ ਆਉਣ ਵਾਲਾ ਸਮਾਂ ਹੀ ਦੱਸੇਗਾ ਕਿ ਮਨਪ੍ਰੀਤ ਅਤੇ ਉਸਦੇ ਗਠਜੋੜ ਕਿਸ ਲਈ ਵਰਦਾਨ ਅਤੇ ਕਿਸ ਲਈ ਸਰਾਪ ਸਿੱਧ ਹੋਣਗੇ। ਫਿਲਹਾਲ ਬਾਦਲ ਆਪਣੇ ਢੰਗ ਨਾਲ ਅਤੇ ਕੈਪਟਨ ਆਪਣੇ ਢੰਗ ਨਾਲ ਸੋਚ ਕੇ ਅੰਦਰੋ-ਅੰਦਰੀ ਅਗਲੀ ਸਰਕਾਰ ਪੰਜਾਬ ਵਿਚ ਉਸਦੀ ਹੋਣ ਬਾਰੇ ਸੋਚ ਕੇ ਖੁਸ਼ ਹੋ ਰਹੇ ਹਨ।
ਹਰਵਿੰਦਰ ਸਿੰਘ ਸੱਗੂ।
98723-27899

25 ਨਵੰਬਰ ਨੂੰ ਅਨੰਦਪੁਰ ਸਾਹਿਬ ਵਿੱਚਖਾਲਸੇ ਦੀ ਵਿਰਾਸਤ ਦੀ ਯਾਦਗਾਰ ਬਣਾਈ ਗਈ ਦਾ ਉਦਘਾਟਨ ਹੋਣ ਤੇ ਕੀ ਹੁਣ ਇਹ ਮੰਨ ਲਿਆ ਗਿਆ ਹੈ ਕਿ ਖਾਲਸਾ ਸਿਰਫ ਇੱਕ ਯਾਦਗਾਰਾਂ ਦੇ ਲਾਇਕ ਹੋ ਗਿਆ ਹੈ। ਕੀ ਯਾਦਗਾਰਾਂ ਜਿਉਦਿਆਂ ਦੀਆਂ ਬਣਦੀਆਂ ਹਨ ਜਾਂ ਮਰਿਆਂ ਹੋਇਆਂ ਦੀਆਂ? ਕੀ ਕੋਈ ਫੌਜ ਆਪਣੀਆਂ ਯਾਦਗਾਰਾਂ ਨਾਲ ਅਮਰ ਹੁੰਦੀ ਹੈ ਜਾਂ ਕਾਰਨਾਮਿਆਂ ਨਾਲ? ਕੀ ਫੌਜ ਦੀ ਯਾਦਗਾਰ ਬਣਾਈ ਜਾਂਦੀਂ ਹੈ ਜਾਂ ਫੌਜ ਦੇ ਕੀਤੇ ਮਹਾਨ ਕੰਮਾਂ ਦੀ? ਕੀ ਵਿਰਾਸਤ ਵਰਤਮਾਨ ਹੁੰਦੀ ਹੈ ਜਾਂ ਬੀਤ ਚੁੱਕੇ ਵਕਤ ਦੀ ਗੱਲ ਹੁੰਦੀ ਹੈ? ਕੀ ਖਾਲਸਾ ਬੀਤ ਚੁੱਕੇ ਦਾ ਹਿੱਸਾ ਹੋ ਗਿਆ ਹੈ ਜਾਂ ਵਰਤਮਾਨ ਵਿੱਚ ਵੀ ਖਾਲਸੇ ਦੀ ਹੋਂਦ ਹੈ? ਕੀ ਅਕਾਲੀ ਦਲ ਦੀ ਸਰਕਾਰ ਨੇ ਖਾਲਸੇ ਨੂੰ ਬੀਤੇ ਵਕਤ ਦਾ ਹਿੱਸਾ ਮੰਨ ਲਿਆ ਹੈ? ਇਸ ਬਣੇ ਯਾਦਗਾਰੀ ਇਮਾਰਤ ਦਾ ਨਾਂ ਬਦਲ ਕਿ ਵਿਰਾਸਤ ਏ ਖਾਲਸਾ ਕਿਉਂ ਕੀਤਾ ਗਿਆ? ਕੀ ਸੱਚਮੁੱਚ ਹੀ ਖਾਲਸੇ ਦੀ ਵਿਰਾਸਤ ਦੀ
ਯਾਦਗਾਰਾਂ ਨੂੰ ਦਰਸਾਉਣ ਵਾਲੀ ਇਮਾਰਤ ਜਾਂ ਅਜਾਇਬ ਘਰ ਹੈ ਜੇ ਹੈ ਥਾਂ ਫਿਰ ਹੀਰ ਰਾਂਝਿਆਂ ਦੀਆਂ ਤਸਵੀਰਾਂ ਕਿਉਂ? ਇਸ ਅਦੁੱਤੀ ਇਮਾਰਤ ਨੂੰ ਦੇਖਣ ਵਿਚਾਰਨ ਬਾਅਦ ਅਨੇਕਾਂ ਸੁਆਲ ਖੜੇ ਹੁੰਦੇ ਹਨ। ਸਿੱਖ ਕੌਮ ਦੇ ਬੁੱਧੀਜੀਵੀ ਵਰਗ ਨੂੰ ਇਹਨਾਂ ਅਤੇ ਹੋਰ ਇਸ ਤਰਾਂ ਦੇ ਸਵਾਲਾਂ ਦੇ ਜਵਾਬ ਇਤਿਹਾਸ ਦੀ ਰੌਸਨੀ ਵਿੱਚ ਜਰੂਰ ਢੂੰਡਣੇਂ ਚਾਹੀਦੇ ਹਨ। ਕਿਧਰੇ ਇਹ ਅਨੋਖੀ ਯਾਦਗਾਰ ਸਾਡੀਆਂ ਗਲਤੀਆਂ ਦੀ ਇੱਕ ਹੋਰ ਨਿਸਾਨੀ ਨਾਂ ਬਣ ਜਾਵੇ। ਸਿੱਖ ਕੌਮ ਤਾਂ ਹਾਲੇ ਤੱਕ ਰਹਿਤ ਮਰਿਯਾਦਾ ਅਤੇ ਦਸਮ ਗਰੰਥ ਵਰਗੇ ਅਹਿਮ ਮਸਲੇ ਵੀ ਹੱਲ ਨਹੀਂ ਕਰ ਸਕੀ। ਕਿਧਰੇ ਕੌਮੀ ਫਲਸਫੇ ਨੂੰ ਢਾਹ ਲਾਉਣ ਵਾਲੀ ਇਮਾਰਤ ਬਣਾ ਕੇ ਅਸੀਂ ਆਪਣੇ ਫਲਸਫੇ ਦੇ ਪੈਂਰੀਂ ਕੁਹਾੜਾ ਤਾਂ ਨਹੀਂ ਮਾਰ ਰਹੇ?ਇਸ ਯਾਦਗਾਰ ਵਿਚਲੇ ਬੁੱਤਾਂ ਅਤੇ ਤਸਵੀਰਾਂ ਰਾਂਹੀ ਕੀ ਸਿੱਖ ਕੌਮ ਤਸਵੀਰ ਪੂਜਕ ਅਤੇ ਬੁੱਤਪੂਜਕ ਤਾਂ ਨਹੀਂ ਸਿੱਧ ਹੋਵੇਗੀ ਵੀ ਇੱਕ ਅਹਿਮ ਪਰਸਨ ਹੈ? ਰਾਜਨੀਤਕ ਲੋਕਾਂ ਦੁਆਰਾ ਬਣਾਂਈਆਂ ਨੀਤੀਆਂ ਅਤੇ ਯਾਦਗਾਰਾਂ ਪਿੱਛੇ ਹਮੇਸਾਂ ਸਵਾਰਥ ਛੁਪਿਆ ਹੁੰਦਾਂ ਹੈ। ਮਹਾਰਾਜਾ ਰਣਜੀਤ ਸਿੰਘ ਨੇ ਵੀ ਗੁਰੂ ਹੁਕਮ ਦੀ ਉਲੰਘਣਾਂ ਕਰਕੇ ਹਜੂਰ ਸਾਹਿਬ ਵਿੱਚ ਹਾਊਮੈਂ ਦਾ ਵਿਖਾਵਾ ਕਰਦਿਆਂ ਗੁਰੂ ਹੁਕਮ ਨਹੀਂ ਮੰਨਿਆਂ ਸੀ ਜਿਸ ਦੇ ਸਿੱਟੇ ਕੌਮ ਅੱਜ ਭੁਗਤ ਰਹੀ ਹੈ।ਉਸ ਦੁਵਾਰਾ ਬਣਾਏ ਗਏ ਇਸ ਯਾਦਗਾਰੀ ਅਸਥਾਨ ਤੋਂ ਹੀ ਹੁਣ ਹਥਿਆਰਾਂ ਨੂੰ ਜੀਵ ਹੱਤਿਆ ਕਰਕੇ ਉਹਨਾਂ ਦੇ ਖੂਨ ਵਿੱਚ ਧੋਣ ਵਰਗੀਆਂ ਮਨਮੱਤਾਂ ਅਤੇ ਦਸਮ ਗਰੰਥ ਦੇ ਸਮਾਜ ਵਿੱਚ ਨਾਂ ਬੋਲੇ ਜਾ ਸਕਣ ਵਾਲੇ ਹਿੱਸੇ ਕੌਮ ਉੱਪਰ ਥੋਪੇ ਜਾ ਰਹੇ ਹਨ।ਤਖਤ ਹਮੇਸਾਂ ਇੱਕ ਹੀ ਹੁੰਦਾਂ ਹੈ ਪਰ ਸਿੱਖ ਕੌਮ ਦੇ ਚਾਰ ਤਖਤ ਵੀ ਰਾਜਨੀਤਕਾਂ ਹੀ ਬਣਵਾਏ ਸਨ । ਪੰਜਵਾਂ ਤਖਤ ਤਾਂ ਵਰਤਮਾਨ ਅਕਾਲੀਆਂ ਦੀ ਹੀ ਦੇਣ ਹੈ ਜੋ ਅੱਜ ਸਿੱਖ ਕੌਮ ਨੂੰ ਨਵਾਂ ਰਾਹ ਨਹੀ ਬਲਕਿ ਰਾਜਨੀਤਕਾਂ ਦੇ ਗੁਲਾਮ ਬਣਾਉਣ ਵਿੱਚ ਭਾਗੀਦਾਰ ਬਣੇ ਹੋਏ ਹਨ।ਮਹਾਰਾਜੇ ਰਣਜੀਤ ਸਿੰਘ ਨੇ ਜਦ ਗੁਰੂ ਗੋਬਿੰਦ ਸਿੰਘ ਦੇ ਹੁਕਮ ਦੇ ਉਲਟ ਯਾਦਗਾਰੀ ਗੁਰਦੁਆਰਾ ਬਣਵਾਉਣ ਦੀ ਗੱਲ ਕੀਤੀ ਸੀ ਤਾਂ ਬਹੁਤ ਸਾਰੇ ਸਿੱਖਾਂ ਨੇ ਗੁਰੂ ਹੁਕਮ ਦੀ ਅਵੱਗਿਆ ਕਰਨ ਤੋਂ ਰੋਕਣ ਦੀ ਕੋਸਿਸ ਕੀਤੀ ਸੀ ਪਰ ਰਾਜਸੱਤਾ ਦੀ ਤਾਕਤ ਦੇ ਨਸੇ ਵੱਚ ਉਸਨੇ ਤਾਂ ਗੁਰੂ ਦੇ ਹੁਕਮ ਅਤੇ ਭਵਿੱਖਤ ਵਚਨਾਂ ਨੂੰ ਟਿੱਚ ਸਮਝਿਆ ਸੀ ਜੋ ਸਮਾਂ ਆਉਣ ਤੇ ਪੂਰੇ ਹੋਏ।ਖਾਲਸਾ ਆਪਣੇ ਉੱਚੇ ਅਤੇ ਸੁੱਚੇ ਆਚਰਣ ਨਾਲ ਪਛਾਣਿਆਂ ਜਾਂਦਾ ਹੈ ਨਾਂ ਕਿ ਇਮਾਰਤਾਂ ਨਾਲ। ਖਾਲਸੇ ਦੀ ਹੋਂਦ ਦੀ ਗਵਾਹੀ ਤਾਂ ਕੱਚੀ ਗੜੀ ਵੀ ਬਣ ਜਾਂਦੀ ਹੈ ਪਰ ਭੇਖਧਾਰੀ ਖਾਲਸੇ ਦਾ ਨਕਲੀਪੁਣਾਂ ਪੱਕੀਆਂ ਇਮਾਰਤਾਂ ਵੀ ਨਹੀਂ ਢੱਕ ਸਕਦੀਆਂ। ਕੀ ਰਾਜਸੱਤਾ ਗੁਰੂਆਂ ਦੇ ਅਸਲੀ ਖਾਲਸੇ ਨੂੰ ਵਿਰਾਸਤ ਬਣਾਉਣਾਂ ਚਾਹੁੰਦੀ ਹੈ ਜਾਂ ਵਰਤਮਾਨ ਦਾ ਅੰਗ ਇਹ ਨਿਰਣਾਂ ੌਣ ਕਰੂਗਾ? ਜੇ ਇਸ ਤਰਾਂ ਹੀ ਬਿਨਾਂ ਸੋਚੇ ਸਮਝੇ ਕੌਮ ਦੇ ਆਗੂ ਸਰਕਾਰਾਂ ਦੀ ਚਾਪਲੂਸੀ ਕਰਦੇ ਰਹੇ ਤਾਂ ਬਹੁਤ ਕੁੱਝ ਇਹੋ ਜਿਹਾ ਸਿਰਜਿਆ ਜਾਊਗਾ ਜੋ ਕੌਮ ਦਾ ਭਵਿੱਖ ਹੋਰ ਧੁੰਦਲਾ ਕਰਨ ਵਿੱਚ ਯੋਗਦਾਨ ਪਾਵੇਗਾ।ਇਸ ਤਰਾਂ ਦੀ ਹੀ ਇੱਕ ਚਾਲ ਅੰਗਰੇਜ ਸਾਮਰਾਜ ਨੇ ਸ਼ਾਡੀ ਕੌਮ ਨਾਲ ਖੇਡੀ ਸੀ ਜਦ ਫੌਜ ਵਿੱਚ ਕਈ ਫੌਜੀਆਂ ਨੂੰ ਸੰਤ ਬਣਾਕਿ ਕੌਮ ਉੱਪਰ ਥੋਪਿਆ ਗਿਆ ਸੀ ਜਿੰਨਾਂ ਵਿੱਚੋਂ ਹਰ ਇੱਕ ਨੇ ਇੱਕ ਇੱਕ ਮਨਮੱਤ ਲਾਗੂ ਕੀਤੀ ਸੀ ਜੋ ਅੱਜ ਕੌਮੀ ਵਖਰੇਵੇ ਦੀ ਨੀਂਹ ਸਾਬਤ ਹੋ ਰਹੇ ਹਨ । ਜਿੰਨਾਂ ਵਿੱਚੋਂ ਇੱਕ ਨੇ ਕੌਮੰੀ ਨਿਸਾਨ ਗੁਰੂ ਘਰਾਂ ਤੋਂ ਦੂਰ ਦੂਸਰੇ ਨੇ ਗੁਰੂ ਦਾ ਲੰਗਰ ਬੰਦ ਤੀਸਰੇ ਨੇ ਗੁਰੂਘਰ ਦਾ ਨਾਂ ਹੀ ਹੋਰ ਰੱਖਣ ਦੀ ਮਰਿਯਾਦਾ ਚਲਾਈ ਅਤੇ ਇਸ ਤਰਾਂ ਦੀਆਂ ਹੋਰ ਮਨਮੱਤਾਂ ਅੰਗਰੇਜ ਸਾਮਰਾਜ ਨੇ ਚਲਵਾਈਆਂ ਸਨ।ਇਹਨਾਂ ਸਾਰਿਆਂ ਬਾਰੇ ਲਿਖਣਾਂ ਖਤਰੇ ਦਾ ਕਾਰਨ ਬਣ ਜਾਂਦਾਂ ਹੈ ਕਿਉਂਕਿ ਅੱਜ ਦੀ ਰਾਜਸੱਤਾ ਅੱਜ ਵੀ ਇਹਨਾਂ ਦੀ ਪੁਸਤਪਨਾਹੀ ਕਰਦੀ ਹੈ।ਅੱਜ ਕੌਮ ਦੇ ਲਈ ਦਰਦ ਰੱਖਣ ਵਾਲੇ
ਲੋਕਾਂ ਨੂੰ ਰਾਜਨੀਤੀ ਤੋਂ ਦੂਰ ਰਹਿਕੇ ਕੌਮ ਨੂੰ ਜਾਗਰੂਕ ਕਰਨਾਂ ਅਹਿਮ ਫਰਜ ਮੰਨਣਾਂ ਚਾਹੀਦਾ ਹੈ। ਰਾਜਨੀਤਕਾਂ ਦੀ ਚਾਪਲੂਸੀ ਦੀ ਥਾਂ ਸਹੀ ਮੱਤ ਦੇਣ ਦੀ ਕੋਸਿਸ ਕਰਨੀਂ ਚਾਹੀਦੀ ਹੈ ਤਾਂ ਕਿ ਕੌਮ ਦੀ ਬੇੜੀ ਡੁੱਬਣੋਂ ਬਚਾਈ ਜਾ ਸਕੇ। ਸੋ ਆਉ ਖਾਲਸੇ ਨੂੰ ਵਿਰਾਸਤ ਨਹੀਂ ਵਰਤਮਾਨ ਦਾ ਹਿੱਸਾ ਬਣਾਈ ਰੱਖਣ ਦੀ ਕੋਸਿਸ ਕਰੀਏ।
ਗੁਰਚਰਨ ਪੱਖੋਕਲਾਂ
9417727245

- ਗੁਰਸੇਵਕ ਸਿੰਘ ਧੌਲਾ
94632-16267

ਕਾਜੀਆ ਬਾਮਣਾ ਕੀ ਗਲ ਥਕੀ ਅਗਦੁ ਪੜੈ ਸੈਤਾਨੁ ਵੇ ਲਾਲੋ॥
…………………………………..
ਕਾਜੀ ਹੋਏ ਰਿਸਵਤੀ ਵਢੀ ਲੈ ਕੈ ਹਕੁ ਗਵਾਈ॥ (ਭਾਈ ਗੁਰਦਾਸ ਜੀ)