ਮਮਤਾ

ਕੀ ਅਸਰ ਕਰੇਗੀ ਕਵਿਤਾ
ਕੀ ਸੰਵਰੇਗੀ ਉਦੋਂ ਅਵਸਥਾ
ਜਦੋਂ ਧੀ ਦੀ ਆਮਦ ਦਾ ਸੋਗ ਕਰੇ
ਇੱਕ ਮਾਂ ਦੀ ਮਮਤਾ

ਹੁਣ ਕਿੰਨਾਂ ਸੌੜਾ ਸੋਚਦੀ ਹੈ
ਆਪਣਾ ਹੀ ਵਜੂਦ ਗਵਾ ਕੇ
ਵੰਸ ਵਧਾਉਣਾ ਲੋਚਦੀ ਹੈ
ਇੱਕ ਮਾਂ ਦੀ ਮਮਤਾ

ਜਾਪੇ ਭੁੱਲਦੀ ਹੈ ਉਹ
ਆਪਣੀ ਮਾਂ, ਨਾਨੀ ਤੇ ਪੜਨਾਨੀ                    
ਤਾਹੀਂਉਂ ਧੀ ਜੰਮਣ ਤੋਂ ਡਰਦੀ
ਇੱਕ ਮਾਂ ਦੀ ਮਮਤਾ

ਸੋਚਦੀ ਹੈ ਜਦ ਘਰ ਦੀ ਗੁਰਬੱਤ
ਸ਼ਰਾਬੀ ਪਤੀ ਅਤੇ ਅੱਤਿਆਚਾਰ
ਸਮਾਜ਼, ਗੀਤ, ਵਿੱਦਿਆ ‘ਤੇ ਮੁਹੱਬਤ
ਹਲਾਤਾਂ ਤੋਂ ਡਰਦੀ ਹੈ ਫਿਰ
ਇੱਕ ਮਾਂ ਦੀ ਮਮਤਾ

ਸਾਰੇ ਹੀ ਦੋਸ਼ੀ ਹਾਂ ਅਸੀਂ
ਇਨ੍ਹਾਂ ਗੁੱਝੇ ਕਤਲਾਂ ਦੇ
ਇਕੱਲੀ ਹੀ ਦੋਸ਼ੀ ਨਹੀਂ
ਇੱਕ ਮਾਂ ਦੀ ਮਮਤਾ