ਕੁਝ ਗੱਲਾਂ ਰਸੋਈ ਦੀਆਂ…Kitchen Tips
* ਭਿੰਡੀ ਦੀ ਸਬਜ਼ੀ ਦੇ ਉੱਪਰ ਕੱਦੂਕਸ਼ ਕਰਕੇ ਪਨੀਰ ਪਾਉ। ਇਹ ਦੇਖਣ ਵਿਚ ਵੀ ਸੋਹਣਾ ਲੱਗਦਾ ਹੈ ਤੇ ਖਾਣ ਵਿਚ ਵੀ ਸੁਆਦੀ ਲੱਗਦਾ ਹੈ।
* ਪਿਆਜ਼ ਕੱਟਣ ਤੋਂ ਪਹਿਲਾਂ ਚਾਕੂ ਨੂੰ ਗਿੱਲਾ ਕਰ ਲਉ, ਅੱਖਾਂ ‘ਚੋਂ ਹੰਝੂ ਨਹੀਂ ਨਿਕਲਣਗੇ।
* ਨਿੰਬੂਆਂ ਨੂੰ ਜੇਕਰ ਥੋੜ੍ਹਾ ਤੇਲ ਲਗਾ ਕੇ ਰੱਖ ਦਿੱਤਾ ਜਾਵੇ ਤਾਂ ਉਹ ਛੇਤੀ ਸੜਦੇ ਨਹੀਂ।
* ਚਾਵਲਾਂ ਨੂੰ ਕੀੜਿਆਂ ਤੋਂ ਬਚਾਉਣ ਲਈ ਉਨ੍ਹਾਂ ਵਿਚ ਸਾਬਤ ਲਾਲ ਮਿਰਚ ਤੋੜ ਕੇ ਪਾਉ, ਕੀੜੇ ਨਹੀਂ ਪੈਣਗੇ।
* ਘਰ ਵਿਚ ਘਿਉ ਬਣਾਉਂਦੇ ਸਮੇਂ ਉਸ ਵਿਚ ਨਿੰਬੂ ਦੀਆਂ ਦੋ ਪੱਤੀਆਂ ਪਾ ਦਿਉ ਤਾਂ ਘਿਉ ਦਾ ਰੰਗ ਸਫੈਦ ਬਣਿਆ ਰਹਿੰਦਾ ਹੈ।
* ਸਬਜ਼ੀ ਦੇ ਮਸਾਲੇ ਨੂੰ ਦਹੀਂ ਅਤੇ ਧਨੀਏ ਵਿਚ ਫੈਂਟ ਕੇ ਭੁੰਨੋ, ਸਬਜ਼ੀ ਦਾ ਰੰਗ ਵੱਖਰਾ ਬਣੇਗਾ।
* ਧਨੀਆ ਮੁਰਝਾ ਜਾਵੇ ਤਾਂ ਇਕ ਗਿਲਾਸ ਪਾਣੀ ਗਰਮ ਕਰਕੇ ਡੰਡੀ ਵਾਲੇ ਪਾਸੇ ਤੋਂ ਭਿਉਂ ਦਿਉ। ਘੰਟੇ ਵਿਚ ਹੀ ਤਾਜ਼ਾ ਹੋ ਜਾਵੇਗਾ।
* ਚਾਸ਼ਣੀ ਬਣਾਉਂਦੇ ਸਮੇਂ ਜੇ ਥੋੜ੍ਹਾ ਜਿਹਾ ਨਿੰਬੂ ਪਾ ਦਿਉ ਤਾਂ ਦਾਣੇ ਨਹੀਂ ਬਣਨਗੇ।
* ਮਿਰਚਾਂ ਦਾ ਰੰਗ ਬਰਕਰਾਰ ਰੱਖਣ ਲਈ ਮਿਰਚਾਂ ਉੱਪਰ ਹਲਦੀ ਪਾ ਦਿਉ।
* ਉਬਲੇ ਆਲੂਆਂ ਨੂੰ ਜੇਕਰ ਥੋੜ੍ਹੀ ਦੇਰ ਫਰਿੱਜ ਵਿਚ ਰੱਖ ਦਿੱਤਾ ਜਾਵੇ ਤਾਂ ਉਨ੍ਹਾਂ ਦੇ ਛਿਲਕੇ ਛੇਤੀ ਉਤਰ ਜਾਂਦੇ ਹਨ।
* ਫੁੱਲਗੋਭੀ ਬਣਾਉਂਦੇ ਸਮੇਂ ਉਸ ਵਿਚ ਇਕ ਵੱਡਾ ਚਮਚ ਆਟਾ ਪਾ ਦੇਣ ਨਾਲ ਉਸ ਦਾ ਰੰਗ ਨਹੀਂ ਬਦਲਦਾ।
