ਜਿੰਬਾਵੇ ਨੇ ਵਿੰਡੀਜ਼ ਨੂੰ ਹਰਾਇਆ

ਆਪਣਾ ਪਹਿਲਾ ਇੱਕ ਰੋਜ਼ਾ ਕੌਮਾਂਤਰੀ ਕ੍ਰਿਕਟ ਖੇਡ ਰਹੇ ਜਿੰਬਾਵੇ ਦੇ ਸਿੰਗਿਰਾਏ ਮਸਕਾਜਾ ਨੇ ਆਖਰੀ ਓਵਰ ਵਿਚ ਦੋ ਵਿਕਟਾਂ ਹਾਸਲ ਕਰਕੇ ਆਪਣੀ ਟੀਮ ਨੂੰ ਵਿੰਡੀਜ਼ ਖਿਲਾਫ ਇੱਥੇ ਪਹਿਲੇ ਇੱਕ ਰੋਜ਼ਾ ਮੈਚ ਵਿਚ ਜਿੱਤ ਦੁਆ ਦਿੱਤੀ।ਜਿੰਬਾਵੇ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 224 ਦੌੜਾਂ ਬਣਾਈਆਂ।

ਜਵਾਬ ਵਿਚ ਵਿੰਡੀਜ਼ ਟੀਮ ਕਪਤਾਨ ਕ੍ਰਿਸ ਗੇਲ ਅਤੇ ਐਡ੍ਰਿਅਨ ਭਰਤ ਦੀਆਂ ਲੜ੍ਹੀਵਾਰ 57 ਅਤੇ 50 ਦੌੜਾਂ ਦੀਆਂ ਸ਼ਾਨਦਾਰ ਪਾਰੀਆਂ ਸਦਕਾ 49 ਓਵਰਾਂ ਤੱਕ ਸੱਤ ਵਿਕਟਾਂ ਗੁਆ ਕੇ ਸਿਰਫ 210 ਦੌੜਾਂ ਹੀ ਬਣਾ ਸਕੀ ਸੀ।ਦੋਹਾਂ ਨੇ ਚਾਰ ਵਿਕਟਾਂ ਉੱਪਰ 6 ਦੌੜਾਂ ਦੇ ਸਕੋਰ ਤੋਂ ਅੱਗੇ ਖੇਡਦੇ ਹੋਏ 99 ਦੌੜਾਂ ਦੀ ਭਾਈਵਾਲੀ ਕੀਤੀ।

ਸ਼ਿਵ ਨਾਰਾਇਣ ਚੰਦਰਪਾਲ 70 ਦੌੜਾਂ ਬਣਾ ਕੇ ਮਸਕਾਜਾ ਦੀ ਗੇਂਦ ਉੱਪਰ ਹੀ ਆਉਟ ਹੋਏ।ਆਖਰੀ ਓਵਰ ਵਿਚ ਵਿੰਡੀਜ਼ ਨੂੰ 15 ਦੌੜਾਂ ਦੀ ਲੋੜ ਸੀ।ਇਸ ਰੋਮਾਂਚਕ ਸਥਿੱਤੀ ਵਿਚ ਮਸਕਾਜਾ ਨੇ ਡਵੇਨ ਸਮਿੱਥ ਨੂੰ ਬੋਲਡ ਕਰਨ ਮਗਰੋਂ ਸੁਲੇਮਾਨ ਬੇਨ ਨੂੰ ਮਿਡ ਵਿਕਟ ਉੱਪਰ ਕੈਚ ਕਰਾ ਲਿਆ ਅਤੇ ਮੈਚ ਜਿੰਬਾਵੇ ਦੀ ਝੋਲੀ ਵਿਚ ਪਾ ਦਿੱਤਾ।ਆਖਰੀ ਗੇਂਦ ਉੱਪਰ ਮੇਜ਼ਬਾਨਾਂ ਨੂੰ ਜਿੱਤ ਲਈ 4 ਦੌੜਾਂ ਚਾਹੀਦੀਆਂ ਸਨ।

ਮਸਕਾਜਾ ਨੇ ਕੀਮਰ ਰੋਅਸ਼ ਨੂੰ ਯਾਰਕਰ ਸੁੱਟ ਦਿੱਤੀ ਜਿਸ ਉੱਪਰ ਸਿਰਫ 1 ਦੌੜ ਬਣੀ।ਜਿੰਬਾਵੇ ਦੇ ਵੁਸੀ ਸਿਬੰਦਾ ਨੇ ਸੱਭ ਤੋਂ ਵੱਧ 95 ਦੌੜਾਂ ਬਣਾਈਆਂ ਪਰ ਪੰਜ ਚੌਕੇ ਅਤੇ ਇੱਕ ਛੱਕਾ ਜੜਨ ਦੇ ਬਾਵਜੂਦ ਉਹ ਆਪਣਾ ਸੈਂਕੜਾ ਪੂਰਾ ਕਰਨ ਤੋਂ ਚੂਕ ਗਏ।ਜਿੰਬਾਵੇ ਨੇ ਲੜ੍ਹੀ ਵਿਚ 1-0 ਦਾ ਵਾਧਾ ਹਾਸਲ ਕਰ ਲਿਆ ਹੈ।ਦੂਜਾ ਇੱਕ ਰੋਜ਼ਾ ਮੈਚ ਗੁਯਾਨਾ ਵਿਖੇ ਹੀ ਭਲਕੇ ਖੇਡਿਆ ਜਾਵੇਗਾ।